ଦେଶରେ ୪୦କୁ ଛୁଇଁଲା କରୋନା ଆକ୍ରାନ୍ତଙ୍କ ସଂଖ୍ୟା

An Independent Media

ନୂଆଦିଲ୍ଲୀ : ବିଶ୍ବରେ ମହାମାରୀ ରୂପ ନେଇଥିବା କରୋନା ଭାଇରସ୍ ଲୋକଙ୍କୁ ଆତଙ୍କିତ କରିଛି। ରିପୋର୍ଟ ଅନୁଯାୟୀ, କରୋନା ଭାଇରସରେ ସାରା ବିଶ୍ବରେ  ୩୫୦୯ରୁ ଅଧିକ ମୃତ୍ୟୁବରଣ କରିଥିବା ବେଳେ ଏକାଧିକ ଲୋକ ଆକ୍ରାନ୍ତ ହୋଇଛନ୍ତି। ସେହିପରି ଏବେ ଭାରତରେ କରୋନ ଆକ୍ରାନ୍ତଙ୍କ ସଂଖ୍ୟା ୪୦କୁ ବୃଦ୍ଧି ହୋଇଛି। ରବିବାର ଦିନ ଅନ୍ୟ ୬ଟି ମାମଲା ସାମ୍ନାକୁ ଆସିଛି। କେରଳରେ ଗୋଟିଏ ପରିବାରର ୫ ଜଣଙ୍କ ଟେଷ୍ଟ ରିପୋର୍ଟ ପଜିଟିଭ୍ ଆସିଥିବା ବେଳେ ଚେନ୍ନାଇରେ ଜଣେ ରୋଗୀ ଆକ୍ରାନ୍ତ ହୋଇଥିବା ଜଣାପଡିଛି। କେରଳ ସ୍ୱାସ୍ଥ୍ୟମନ୍ତ୍ରୀ କେ.କେ ଶୈଳଜା କହିଛନ୍ତି ଯେ, କରୋନା ଆକ୍ରାନ୍ତଙ୍କୁ ଆଇସୋଲେଟଏଡ ୱାର୍ଡରେ ରଖାଯାଇଛି। ଆକ୍ରାନ୍ତ ହୋଇଥିବା ଗୋଟିଏ ପରିବାରର ତିନିଜଣ ସଦସ୍ୟ ଇଟାଲୀରୁ ଫେରିଛନ୍ତି। ତେଣୁ ସେମାନଙ୍କ ସହ ଯୋଗାଯୋଗରେ ଥିବା ଅନ୍ୟ ଦୁଇ ସମ୍ପର୍କୀୟଙ୍କୁ ସଂକ୍ରମିତ ହୋଇଛି। ତାମିଲନାଡୁର ସ୍ୱାସ୍ଥ୍ୟ ସଚିବ ବିଲା ରାଜେଶ କହିଛନ୍ତି ଯେ, ଫେବୃଆରୀ ୨୮ରେ ଜଣେ ଯାତ୍ରୀ ମସ୍କାଟରୁ ଆସିଥିଲେ। ମାର୍ଚ୍ଚ ୪ରେ ଜ୍ୱର ହେବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ସ୍ବାବ୍ ନମୁନା ପରୀକ୍ଷାରୁ ପଜିଟିଭ୍ ବାହାରିଛି। ଆକ୍ରାନ୍ତଙ୍କ ପରିବାରର ଲୋକଙ୍କୁ ମଧ୍ୟ ନଜରରେ ରଖାଯାଇଛି। ସେ ଆହୁରି କହିଛନ୍ତି ଯେ, ବିଦେଶରୁ ଆସୁଥିବା ସମସ୍ତ ଯାତ୍ରୀଙ୍କ ଯାଞ୍ଚ କରାଯାଉଛି। ଆମେ ସରକାରଙ୍କ ସମସ୍ତ ନିର୍ଦ୍ଦେଶ ପାଳନ କରୁଛୁ। ଏନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଛି।

error: Thank You Keep Visiting