ଭୁବନେଶ୍ବରରେ କେତେ ସଚେତନ ଜନତା !

An Independent Media
ଲକଡାଉନ ନିୟମକୁ ଠିକ ଭାବରେ ପାଳନ କରୁ ନାହାନ୍ତି

ଭୁବନେଶ୍ଵର: କରୋନାକୁ ହରାଇବା ଲାଗି ଏକମାତ୍ର ଅସ୍ତ୍ର ହେଉଛି ଘରେ ରହିବା ଏବଂ ସାମାଜିକ ଦୂରତ୍ଵ ରକ୍ଷା କରିବା। ମୁଖ୍ୟମନ୍ତ୍ରୀଙ୍କଠାରୁ ଆରମ୍ଭ କରି ପ୍ରଧାନମନ୍ତ୍ରୀ ବାରମ୍ବାର ଏ ବିଷୟରେ ଦେଶବାସୀଙ୍କୁ ସଚେତନ କରାଉଛନ୍ତି। କିନ୍ତୁ ଲୋକେ ଏହାକୁ ଅଣଦେଖା କରି ନିଜ ପାଇଁ ନିଜେ ଗାତ ଖୋଳୁଛନ୍ତି। କେବଳ ନିଜ ପାଇଁ ନୁହେଁ, ପୂରା ରାଜ୍ୟ ଏବଂ ଦେଶ ପାଇଁ ବିପଦ ସୃଷ୍ଟି କରୁଛନ୍ତି। ବୁଧବାର ଭୁବନେଶ୍ଵରର ବଡ଼ଗଡ଼ ହାଟରେ ଏଭଳି କିଛି ଦୃଶ୍ୟ ଆଶ୍ଚର୍ଯ୍ୟ ସୃଷ୍ଟି କରିଛି। ଅନ୍ୟ ସାଧାରଣ ଦିନରେ ହାଟରେ ଯେତିକି ଭିଡ଼ ନ ହୁଏ, ଆଜି ସେତିକି ଭିଡ ଦେଖିବାକୁ ମିଳିଥିଲା। ଭୂତାଣୁର ସଂକ୍ରମଣକୁ ରୋକିବା ଲାଗି ଘର ଭିତରେ ବି ପରସ୍ପରଙ୍କୁ ଛୁଇଁବା ଅନୁଚିତ। କିନ୍ତୁ ହାଟରେ ଲୋକମାନେ ଅତି ନିକଟତର ହୋଇ ଛିଡ଼ା ହେବାର ଦୃଶ୍ୟ ଦେଖିଲେ ଜଣାପଡୁଥିଲା ଏମାନେ ଆଦୌ ସଚେତନ ନୁହନ୍ତି। ହାଟରେ ଶତାଧିକ ଲୋକଙ୍କ ଭିଡ଼ ଜମିଥିଲା। ଭୁବନେଶ୍ଵରର ପ୍ରଥମ ରୋଗୀ ବଡ଼ଗଡ଼ ଅଞ୍ଚଳରୁ ଚିହ୍ନଟ ହୋଇଥିଲେ। ସେ ଏବେ ଚିକିତ୍ସାଧୀନ ଅଛନ୍ତି। ଏହା ସତ୍ବେ ସେହି ଅଞ୍ଚଳର ଲୋକେ ସଚେତନ ନ ହେବା ଦୁଃଖର ବିଷୟ ପାଲଟିଛି।
କରୋନା ଭୂତାଣୁଠାରୁ ସୁରକ୍ଷିତ ରହିବା ଲାଗି ସରକାର ଏତେ ସଚେତନ କରୁଛନ୍ତି, ହାତ ଯୋଡ଼ି ଲୋକଙ୍କୁ ନେହୁରା ହେଉଛନ୍ତି। କିନ୍ତୁ କିଛି ଫରକ ପଡୁନି। ଯେଉଁଠି ଯେତେ ଶିକ୍ଷିତ ସେଇଠି ସେତେ ଅଧିକ ନିୟମ ଉଲ୍ଲଂଘନକାରୀଙ୍କୁ ଦେଖିବାକୁ ମିଳୁଛି। ପରିବା, ସଉଦାପତ୍ର କିଣିବା, ମେଡିକାଲ ଯିବା ବାହାନାରେ ଲୋକେ ସର୍ବସାଧାରଣ ସ୍ଥାନରେ ଭିଡ଼ ଜମାଉଛନ୍ତି। ଏଭଳି ଦୃଶ୍ୟ ଦେଖିବାକୁ ମିଳୁଛି ରାଜଧାନୀ ଭୁବନେଶ୍ଵରରେ।

error: Thank You Keep Visiting