କାର୍ଯ୍ୟକାଳ ଶେଷ ପୂର୍ବରୁ ଆରବିଆଇ ଡେପୁଟି ଗଭର୍ଣ୍ଣର ବିରଳ ଆଚାର୍ଯ୍ୟଙ୍କ ଇସ୍ତଫା

Straight to the Point

ମୁମ୍ବଇ: ଭାରତୀୟ ରିଜର୍ଭ ବ୍ୟାଙ୍କ(ଆରବିଆଇ)ର ଡେପୁଟି ଗଭର୍ଣ୍ଣର ବିରଳ ଆଚାର୍ଯ୍ୟ ତାଙ୍କ ପଦରୁ ଇସ୍ତଫା ପ୍ରଦାନ କରିଛନ୍ତି। କାର୍ଯ୍ୟକାଳ ଶେଷ ହେବାକୁ ୬ମାସ ବାକି ଥିଲାବେଳେ ଏହା ପୂର୍ବରୁ ତାଙ୍କର ଇସ୍ତଫା ଦେବା ଘଟଣା ବେଶ ଚର୍ଚ୍ଚାର ବିଷୟ ପାଲଟିଛି। ତେବେ ବ୍ୟକ୍ତିଗତ କାରଣରୁ ସେ ଇସ୍ତଫା ଦେଇଥିବା ଦର୍ଶାଇଛନ୍ତି। ଆଚାର୍ଯ୍ୟ ଆରବିଆଇ ମୁଦ୍ରା ନୀତି ଦାୟିତ୍ଵରେ ରହିଥିଲେ। ଆଗାମୀ ୨୦୨୦ ଫେବୃୟାରୀରେ ସେ ନ୍ୟୁୟର୍କ ବିଶ୍ଵବିଦ୍ୟାଳୟରେ ଅର୍ଥନୀତି ପ୍ରଫେସର ଭାବେ ଯୋଗଦେଇଥାନ୍ତେ। କିନ୍ତୁ ଇସ୍ତଫା ଦେବା ପରେ ସେ ଆସନ୍ତା ଅଗଷ୍ଟରେ ନ୍ୟୁୟର୍କ ବିଶ୍ଵବିଦ୍ୟାଳୟରେ ପ୍ରଫେସର ଭାବେ ​ଯୋଗଦେବେ ବୋଲି ସୂଚନା ମିଳିଛି।

୨୦୧୭ ଜାନୁୟାରୀରେ ବିରଳ ଆଚାର୍ଯ୍ୟ ୩ବର୍ଷ ପାଇଁ ଆରବିଆଇରେ ଯୋଗଦେଇଥିଲେ। ସେହି ଅନୁସାରେ ୨୦୨୦ ଜାନୁୟାରୀରେ ତାଙ୍କ କାର୍ଯ୍ୟକାଳ ଶେଷ ହେବାର ଥିଲା। ତେବେ ଏହା ପୂର୍ବରୁ ଗତ ଡିସେମ୍ବରରେ ତତ୍କାଳୀନ ଗଭର୍ଣ୍ଣର ଉର୍ଜିତ ପଟେଲ ଇସ୍ତଫା ଦେଇଥିଲେ। ଆରବିଆଇର କାର୍ଯ୍ୟକଳାପରେ କେନ୍ଦ୍ରର ହସ୍ତକ୍ଷେପକୁ ନେଇ ଆରବିଆଇ ଏବଂ କେନ୍ଦ୍ର ସରକାରଙ୍କ ମଧ୍ୟରେ ବିବାଦ ଲାଗି ରହିବା କାରଣରୁ ଉର୍ଜିତ ପଟେଲ ଇସ୍ତଫା ଦେଇଥିଲେ। ଏହା ପରେ ଶକ୍ତିକାନ୍ତ ଦାସଙ୍କୁ ଗଭର୍ଣ୍ଣର ଭାବେ ନିଯୁକ୍ତ କରାଯାଇଥିଲା।

error: Thank You Keep Visiting