ଯାତ୍ରୀଙ୍କ ଜଳପାନ ଲାଗି ଶସ୍ତାରେ ମିଳିବ ପାଣି, ଚା ଓ ସ୍ନାକ୍ସ

An Independent Media

ନୂଆଦିଲ୍ଲୀ: ଦେଶର ବିଭିନ୍ନ ବିମାନ ବନ୍ଦରରେ ଏଣିକି ଶସ୍ତାରେ ବୋତଲ ପାଣି, ଚା, କଫି ଓ ସ୍ନାକ୍ସ ଉପଲବ୍ଧ ହେବ। ବିମାନ ବନ୍ଦରରେ ଯାତ୍ରୀଙ୍କ ଜଳପାନ ଲାଗି ଉପଲବ୍ଧ ସାମଗ୍ରୀର ଅହେତୁକ ଦରକୁ ନେଇ ବିଭିନ୍ନ ମହଲରୁ ଅସନ୍ତୋଷ ପ୍ରକାଶ ପାଇବା ସହ ଏନେଇ ସଂସଦରେ ଅନେକଥର ସାଂସଦମାନେ ମଧ୍ୟ ଆପତ୍ତି ଉଠାଇଥିଲେ। ତେବେ ଏହା ଉପରେ ବିଚାରକରି ଯାତ୍ରୀଙ୍କୁ ଅପେକ୍ଷାକୃତ ଶସ୍ତା ଦରରେ ବୋତଲ ପାଣି ଓ ଅନ୍ୟାନ୍ୟ ଖାଦ୍ୟପାନ ଯୋଗାଇବା ଲାଗି ବିମାନ ବନ୍ଦର କର୍ତ୍ତୃପକ୍ଷ (ଏଏଆଇ) ନିଷ୍ପତ୍ତି ନେଇଥିବା ଶନିବାର ଜଣେ ଅଧିକାରୀ ସୂଚନା ଦେଇଛନ୍ତି। ଏହିସବୁ ସାମଗ୍ରୀକୁ ସର୍ବାଧିକ ଖୁଚୁରା ଦର(ଏମଆରପି)ରେ ଯୋଗାଇ ଦିଆଯିବ। ସୂଚନାଯୋଗ୍ୟ, ଦେଶରେ ୯୦ଟି ବିମାନ ବନ୍ଦର ଭିତରେ ଏସବୁ ଖାଦ୍ୟପାନୀୟ ବିଭିନ୍ନ ସଂସ୍ଥା ବିକ୍ରି କରୁଛନ୍ତି। ସଂପ୍ରତି ଉଡାନ୍ ଯୋଜନାରେ ଅଧିକରୁ ଅଧିକ ସହରକୁ ବିମାନସେବା ଦ୍ବାରା ଯୋଡାଯାଉଥିବାବେଳେ ଯାତ୍ରୀ ସଂଖ୍ୟା ଅହେତୁକ ଭାବେ ବୃଦ୍ଧି ପାଇବାରେ ଲାଗିଛି।

error: Thank You Keep Visiting