ଯୁବ ବ୍ୟବସାୟୀଙ୍କୁ ଗୁଳିକରି ହତ୍ୟା

An Independent Media

ବାଲେଶ୍ବର: ସ୍ଥାନୀୟ ଅଞ୍ଚଳରେ ଜଣେ ଯୁବ ବ୍ୟବସାୟୀଙ୍କୁ ଦୁର୍ବୃତ୍ତମାନେ ଗୁଳି କରି ହତ୍ୟା କରିଛନ୍ତି। ମୃତ ବ୍ୟବସାୟୀ ଟାଉନଥାନା ଅଧୀନ ଫିରିଙ୍ଗିପାଟଣାର ମାନସ ରଞ୍ଜନ ଦାସ ବୋଲି ପୁଲିସ କହିଛି।
ପୁଲିସ ସୂଚନା ଅନୁଯାୟୀ, ମାନସଙ୍କୁ ତାଙ୍କ ଘରର ଗେଟ ନିକଟରେ ପଛ ପଟୁ ଦୁର୍ବୃତ୍ତମାନେ ଖୁବ ନିକଟରୁ ଗୁଳି କରିଥିଲେ। ଗୁଳି ମାନସଙ୍କ ବାମପଟ ପିଠିରେ ପଶି ଡାହାଣପଟ ଛାତି ଦେଇ ବାହାରି ଯାଇଥିଲା। ଗତ କାଲି ରାତି ପ୍ରାୟ ୧୧ଟା ୪୦ରେ ଏହି ଘଟଣା ଘଟିଥିବା ଜଣାପଡ଼ିଛି। ତାଙ୍କୁ ସଙ୍ଗେ ସଙ୍ଗେ ପରିବାର ଲୋକେ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ହତ୍ୟାର କାରଣ ଜଣାପଡ଼ିନାହିଁ। ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

error: Thank You Keep Visiting