ରେୱାରି ଗଣବଳାତ୍କାର: ସେନା କର୍ମଚାରୀଙ୍କ ସମେତ ୨ ଗିରଫ

An Independent Media

ରେୱାରି: ହରିଆଣାର ମେଧାବୀ ଛାତ୍ରୀଙ୍କୁ ଗଣବଳାତ୍କାରରେ ସମ୍ପୃକ୍ତ ସେନା କର୍ମଚାରୀଙ୍କ ସମେତ ୨ ଜଣଙ୍କୁ ପୁଲିସ ଗିରଫ କରିଛି। ହରିଆଣା ପୁଲିସ ମହାନିର୍ଦେଶକ ବି ଏସ୍‍ ସାନ୍ଧୁଙ୍କ ସୂଚନା ଅନୁଯାୟୀ, ଘଟଣାର ଦୁଇ ପ୍ରମୁଖ ଅଭିଯୁକ୍ତ କୁହାଯାଉଥିବା ମନୀଷ ଓ ସେନାବାହିନୀର ପଙ୍କଜଙ୍କୁ ଗିରଫ କରାଯାଇଛି। ସେପ୍ଟେମ୍ବର ୧୨ ତାରିଖରେ ଘଟିଥିବା ଏହି ଘଟଣା ପରଠାରୁ ଦୁଇ ଜଣ ଫେରାର ଥିଲେ। ଏହି ଘଟଣାରେ ପୂର୍ବରୁ ୩ ଜଣଙ୍କୁ ଗିରଫ କରାଯାଇଥିଲା। ଅଭିଯୁକ୍ତଙ୍କୁ ଗିରଫ କରିବା ପାଇଁ ଏକ ପୁଲିସର ସ୍ୱତନ୍ତ୍ର ଟିମ୍‍ ଗଠନ କରାଯାଇଛି। ସେପ୍ଟେମ୍ବର ୧୨ ତାରିଖ ସନ୍ଧ୍ୟାରେ ମେଧାବୀ ଛାତ୍ରୀ ଜଣକ କୋଚିଂ ପାଇଁ ଯାଉଥିବା ବେଳେ ଅଭିଯୁକ୍ତମାନେ ତାଙ୍କୁ ନିଶାପାନୀୟ ଦେଇ ଗଣବଳାତ୍କାର କରିଥିଲେ। ପୀଡ଼ିତା ଅଚେତ ହୋଇଯିବା ପରେ ତାଙ୍କୁ ଏକ ବସ୍‍ ଷ୍ଟପ୍‍ ପାଖରେ ଫୋଫାଡ଼ି ଦେଇ ଚାଲି ଯାଇଥିଲେ। ଏହି ଘଟଣା ସେତେବେଳେ ସମଗ୍ର ଦେଶରେ ଚାଞ୍ଚଲ୍ୟ ସୃଷ୍ଟି କରିଥିଲା। ବିରୋଧୀ ଦଳ ହରିଆନା ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଥିଲେ।

error: Thank You Keep Visiting