ରିଲିଜ୍‍ ହେଲା ‘ସୁପର୍‍ ୩୦’ ର ପ୍ରଥମ ପୋଷ୍ଟର୍‍

An Independent Media

ମୁମ୍ବଇ : ବଲିଉଡ଼୍‍ ଅଭିନେତା ହ୍ରିତିକ୍‍ ରୋଶନ୍‍ଙ୍କ ଆଗାମୀ ଚଳଚ୍ଚିତ୍ର ‘ସୁପର୍‍ ୩୦’ ଦୀର୍ଘ ଦିନ ହେବ ଚର୍ଚ୍ଚାରେ ରହିଛି। ଏହି ଚଳଚ୍ଚିତ୍ରକୁ ନେଇ ହ୍ରିତିକ୍‍ଙ୍କର ଖୁବ୍‍ ଆଶା ମଧ୍ୟ ରହିଛି। ସେହିପରି ତାଙ୍କ ପ୍ରଶଂସକମାନେ ‘ସୁପର୍‍ ୩୦’ କୁ ଆଗ୍ରହ ସହକାରେ ଅପେକ୍ଷା କରିଛନ୍ତି। କିଛିମାସ ପୂର୍ବେ ଚଳଚ୍ଚିତ୍ରରେ ହ୍ରିତିକ୍‍ଙ୍କ ରୂପ ଓ ବେଶଭୂଷାର ଚର୍ଚ୍ଚା ହୋଇଥିଲା। ଯେଉଁଥିରେ କି ସେ ସମ୍ପୂର୍ଣ୍ଣ ଭିନ୍ନ ରୂପରେ ନଜର ଆସିଥିଲେ। ତେବେ ଗୁରୁଦିବସ ଅବସରରେ ‘ସୁପର୍‍ ୩୦’ ର ପ୍ରଥମ ପୋଷ୍ଟର୍‍ ରିଲିଜ୍‍ କରାଯାଇଛି।
ଏହାର ଗୋଟିଏ ନୁହେଁ ବରଂ ତିନୋଟି ପୋଷ୍ଟର୍‍ ରିଲିଜ୍‍ କରାଯାଇଛି। ଏହି ପୋଷ୍ଟର୍‍କୁ ଅନୁରାଗ କଷ୍ୟପ୍‍ଙ୍କ ପ୍ରଡ଼କ୍ସନ୍‍ କମ୍ପାନୀ ଫେଣ୍ଟମ୍‍ ଫିଲ୍ମସ୍‍ ନିଜ ଅଫିସିଆଲ୍‍ ଟ୍ୱିଟର୍‍ ଆକାଉଣ୍ଟ୍‍ରେ ସେୟାର୍‍ କରିଛନ୍ତି। ହ୍ରିତିକ୍‍ଙ୍କ ପ୍ରଶଂସକ ‘ସୁପର୍‍ ୩୦’ ର ପୋଷ୍ଟର୍‍କୁ ଖୁବ୍‍ ପସନ୍ଦ କରିଥିବା ଜଣାପଡ଼ିଛି।
ଏହି ଚଳଚ୍ଚିତ୍ର ବିହାରର ପ୍ରସିଦ୍ଧ ଗଣିତଜ୍ଞ ଆନନ୍ଦ କୁମାରଙ୍କ ଜୀବନୀ ଉପରେ ଆଧାରିତ। ଏହା ଆସନ୍ତା ବର୍ଷ ୨୫ ଜାନୁଆରୀରେ ମୁକ୍ତିଲାଭ କରିବାକୁ ଯାଉଛି।

error: Thank You Keep Visiting