ସିଧୁ ବିବାଦୀୟ ମନ୍ତବ୍ୟ ଦେଇ ‘ଦି କପିଲ ଶର୍ମା’ ଶୋ’ରୁ ବିଦା

Straight to the Point

ନୂଆଦିଲ୍ଲୀ : ପୁଲୱାମା ଆକ୍ରମଣ ଘଟଣାରେ ବିବାଦୀୟ ମନ୍ତବ୍ୟ ଦେଇ ଟିଭି ରିୟଲିଟି ଶୋ’କାର୍ଯ୍ୟକ୍ରମରୁ ବାଦ ପଡ଼ିଛନ୍ତି କ୍ରିକେଟର-ରାଜନେତା ନବଜୋତ୍‌ ସିଂହ ସିଧୁ। ସୋନି ଟିଭିରେ ପ୍ରସାରିତ ଲୋକପ୍ରିୟ ହାସ୍ୟରସ କାର୍ଯ୍ୟକ୍ରମ ‘ଦି କପିଲ ଶର୍ମା ଶୋ’ରେ ନିୟମିତ କଳାକାର ଥିବା ସିଧୁଙ୍କୁ ହଟାଯାଇ ତାଙ୍କ ସ୍ଥାନରେ ଅର୍ଚ୍ଚନା ପୁରନ୍‌ ସିଂହଙ୍କୁ ନିଆଯାଇଛି। ପାକିସ୍ତାନକୁ ସମର୍ଥନ କରି ସିଧୁ ଶୁକ୍ରବାର କହିଥିଲେ ଯେ ‘କିଛି ଲୋକଙ୍କ ପାଇଁ ଗୋଟିଏ ଦେଶକୁ କାହିଁକି ବଦନାମ କରାଯିବ ?’ ପଞ୍ଜାବର କ୍ୟାବିନେଟ ମନ୍ତ୍ରୀ ଥାଇ ସୁଦ୍ଧା ସିଧୁଙ୍କ ଏଭଳି ମନ୍ତବ୍ୟକୁ ଦେଶବାସୀ ଗ୍ରହଣ କରିପାରି ନ ଥିଲେ। ବିଭିନ୍ନ ମହଲରୁ ତାଙ୍କୁ ସମାଲୋଚନାର ଶରବ୍ୟ ହେବାକୁ ପଡ଼ିଥିଲା। ପୂର୍ବରୁ ପାକିସ୍ତାନ ପ୍ରଧାନମନ୍ତ୍ରୀ ଭାବେ ଇମ୍ରାନ ଖାଁଙ୍କ ଶପଥ ଗ୍ରହଣ ଉତ୍ସବରେ ଯୋଗଦେଇ ସେନାମୁଖ୍ୟ କ୍ବାମାର ଜାଭେଦ ବାଜୱାଙ୍କୁ କୋଳାଗ୍ରତ କରିବା ଘଟଣାରେ ମଧ୍ୟ ସେ ସମାଲୋଚିତ ହୋଇଥିଲେ। ସେତେବେଳେ ତାଙ୍କ ଉପରେ ଏହି ଟିଭି କାର୍ଯ୍ୟକ୍ରମ ଛାଡ଼ିବା ନେଇ ମଧ୍ୟ ଚାପ ପଡ଼ିଥିଲା।

error: Thank You Keep Visiting