ଭୁବନେଶ୍ବରରେ ଚା’ ପାନ ବିକିବା ମନା

An Independent Media

ଭୁବନେଶ୍ବର : ବିଏମ୍‌ସି ପକ୍ଷରୁ ରାଜଧାନୀରେ କେଉଁ ଦୋକାନ ଖୋଲିବ, କେଉଁ ଦୋକାନ ବନ୍ଦ ରହିବ, କ’ଣ କ’ଣ ଏବେ ବିକ୍ରି ହୋଇପାରିବ ସେନେଇ ନିର୍ଦ୍ଦେଶନାମା ପ୍ରକାଶ ପାଇଛି। ବିଏମ୍‌ସି ପକ୍ଷରୁ କୁହାଯାଇଛି କେବଳ ଅତ୍ୟାବଶ୍ୟକ ସାମଗ୍ରୀ ବିକ୍ରି ହୋଇପାରିବ। ପାନ, ଗୁଟ୍‌ଖା, ଚା’ ‌ଦୋକାନ ବନ୍ଦ ରହିବ। ଓମ୍‌ଫେଡ୍‌ ପାର୍ଲରରେ ଏହି ସବୁ ସାମଗ୍ରୀ ବିକ୍ରି ହେଉଥିଲେ ‌ବି ଏବେ ବିକି ପାରିବେନି। କେବଳ କ୍ଷୀର ଏବଂ କ୍ଷୀର ସମ୍ବନ୍ଧୀୟ ସାମଗ୍ରୀ ବିକ୍ରି କରିପାରିବେ। ଡ୍ରେସ୍‌ ଓ କପଡ଼ା ଦୋକାନ ବନ୍ଦ ରହିବ। ଫଳରସ ଦୋକାନରେ କେବଳ ଫଳ ବିକ୍ରି ହେବ, ଫଳ ରସ ବିକ୍ରି ହେବନି। ଆଇସ୍‌କ୍ରିମ୍ ପାର୍ଲର ବନ୍ଦ ରହିବ। ଓପୋଲଫେଡ୍‌ରେ କୌଣସି ପ୍ରକାରର ରନ୍ଧା ଖାଦ୍ୟ ବିକ୍ରି ହେବନି। କେବଳ ଅଣ୍ଡା ଓ ଚିକେନ୍ ବିକି ପାରିବେ। ଆସନ୍ତା ନିର୍ଦ୍ଦେଶନାମା ପ୍ରକାଶ ପାଇବା ପର୍ଯ୍ୟନ୍ତ ଏହି କଟକଣା ଲାଗୁ ହେବ।

error: Thank You Keep Visiting