ବିଧାୟକ ଦଳ ନେତା ଭାବେ ନିର୍ବାଚିତ ହେଲେ ହେମନ୍ତ ସୋରେନ,୨୯ରେ ନେବେ ଶପଥ

An Independent Media

ଝାଡଖଣ୍ଡ: ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ( ଜେଏମଏମ)ର ନବନିର୍ବାଚିତ ବିଧାୟକମାନେ ସର୍ବସମ୍ମତିକ୍ରମେ ପାର୍ଟିର କାର୍ୟ୍ୟକାରୀ ଅଧ୍ୟକ୍ଷ ହେମନ୍ତ ସୋରେନଙ୍କୁ ବିଧାୟକ ଦଳ ନେତା ଭାବେ ଚୟନ କରିଛନ୍ତି। ମଙ୍ଗଳବାର ଜେଏମଏମ୍ ଅଧ୍ୟକ୍ଷ ଶିବୁ ସୋରେନଙ୍କ ବାସଭବନରେ ଅନୁଷ୍ଠିତ ବୈଠକରେ ହେମନ୍ତ ସୋରେନଙ୍କ ସମେତ ୨୮ ଜଣ ବିଧାୟକ ଉପସ୍ଥିତ ରହିଥିଲେ। ଏହି ବୈଠକରେ ସମସ୍ତ ବିଧାୟକ ପାର୍ଟିର କାର୍ୟ୍ୟକାରୀ ଅଧ୍ୟକ୍ଷ ହେମନ୍ତ ସୋରେନଙ୍କୁ ବିଧାୟକ ଦଳ ନେତା ଚୟନ କରିଥିଲେ।
ଏହାପରେ ହେମନ୍ତ ସୋରେନ କଂଗ୍ରେସ ଏବଂ ଆରଜେଡି ନେତାଙ୍କ ସହ ବୈଠକ କରିଥିଲେ। ବୈଠକ ପରେ ତିନି ଦଳର ନେତା ସରକାର ଗଠନ ପାଇଁ ରାଜ୍ୟପାଳ ଦୌପଦୀ ମୁର୍ମୁଙ୍କୁ ଭେଟି ଦାବି ଉପସ୍ଥାପନ କରିଥିଲେ। ରାଜ୍ୟପାଳଙ୍କୁ ଭେଟିବା ପରେ ଗଣମାଧ୍ୟମକୁ ସୂଚନା ଦେଇ ହେମନ୍ତ ସୋରେନ କହିଛନ୍ତି ୨୯ ଡିସେମ୍ବର ଅପରାହ୍ନ ଗୋଟିଏରେ ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ।

error: Thank You Keep Visiting