ଜାତିସଂଘ କର୍ୟାଳୟ ବାହାରେ ପାକିସ୍ତାନ ବିରୋଧରେ ପୋଷ୍ଟର “ବିଶ୍ଵ ଆତଙ୍କବାଦର କେନ୍ଦ୍ରସ୍ଥଳ ପ।କିସ୍ତାନ ସେନା”

An Independent Media

ନୂଆଦିଲ୍ଲୀ: ‘ବିଶ୍ୱ ଆତଙ୍କବାଦର କେନ୍ଦ୍ରସ୍ଥଳ ପାକିସ୍ତାନ ସେନା’ ବୋଲି ଲେଖାଥିବା ଏକ ପୋଷ୍ଟର୍‌ ଜେନେଭାସ୍ଥିତ ‘ବ୍ରୋକେନ୍‌ ଚେୟାର୍‌’ ସ୍ମାରକୀ ଠାରେ ପ୍ରଦର୍ଶୀତ ହୋଇଛି। ଜେନେଭାରେ ଜାତିସଂଘ ମାନବ ଅଧିକାର ପରିଷଦ୍‌ର ୪୩ତମ ଅଧିବେଶନ ଚାଲିଥିବା ବେଳେ ପାକିସ୍ତାନର ସଂଖ୍ୟଲଘୁ ସମ୍ପ୍ରଦାୟ ତରଫରୁ ଏହି ପୋଷ୍ଟର୍‌ ଲଗାଯାଇଛି। ଆତଙ୍କବାଦୀ ସଙ୍ଗଠନକୁ ସହୟତା ଓ ପାଣ୍ଠି ଯୋଗାଉଥିବା କାରଣରୁ ଇସ୍‌ଲାମାବାଦ ବିପକ୍ଷରେ କଠୋର ପଦକ୍ଷେପ ଗ୍ରହଣ କରାଯାଉ ବୋଲି ସେମାନେ ଜାତିସଂଘରେ ଦାବି କରିଛନ୍ତି।

ଏଠାରେ କହିରଖୁଛୁ ଯେ ଆଫଗାନିସ୍ତାନକୁ ଲାଗିଥିବା ପାକିସ୍ତାନର ଉତ୍ତର ଓ୍ଵାଜିରିସ୍ତାନ ଅଞ୍ଚଳ ସ୍ଥାନୀୟ ଏବଂ ଅନ୍ତର୍ଜାତୀୟ ଆତଙ୍କବାଦୀ ସଙ୍ଗଠନଗୁଡ଼ିକର ପେଣ୍ଠସ୍ଥଳ। ଅଲ୍‌-କାଏଦା ଓ ତାଲିବାନ ଆତଙ୍କବାଦୀଙ୍କ ନେଟ୍‌ଓ୍ଵାର୍କ ମଧ୍ୟ ସେଠାରେ ସକ୍ରିୟ ରହିଛି। ସେ ଅଞ୍ଚଳରେ ଆତଙ୍କବାଦୀ କାର୍ଯ୍ୟକଳାପ ସହ ପାକିସ୍ତାନ ସରକାର ସମ୍ପୁର୍ଣ୍ଣ ଭାବେ ଜଡ଼ିତ ରହିଥିବା କୁହାଯାଉଛି।

ଜାତିସଂଘ କାର୍ଯ୍ୟାଳୟ ବାହାରେ ଥିବା ‘ବ୍ରୋକେନ୍‌ ଚେୟାର୍‌’ ସ୍ମାରକୀ ଠାରେ ପୋଷ୍ଟର୍‌ ପ୍ରଦର୍ଶନ କରି ପାକିସ୍ତାନର ସଂଖ୍ୟାଲଘୁ ସମ୍ପ୍ରଦାୟର ସଦସ୍ୟମାନେ ପାକିସ୍ତାନ ସେନା ବିରୋଧରେ ପ୍ରତିବାଦ ପ୍ରଦର୍ଶନ କରିଛନ୍ତି। ପାକିସ୍ତନା ସେନାର ଏହା ଅନୈତିକ କାର୍ଯ୍ୟ ବୋଲି ସେମାନେ ଦାବି କରିଛନ୍ତି।

error: Thank You Keep Visiting