ବିଜେପିକୁ ଚେତାବନୀ ଦେଲା ପିଡିପି

Straight to the Point

ଶୀନଗର: ଜମ୍ମୁ- କାଶ୍ମୀରର ପ୍ରାକ୍ତନ ମୁଖ୍ୟମନ୍ତ୍ରୀ ତଥା ପିଡିପି ଦଳର ମୁଖ୍ୟ ମହବୁବା ମୁଫତି ବିଜେପିକୁ ଚେତାବନୀ ଦେବା ସହ କଡ଼ା ଶବ୍ଦରେ ରାଜ୍ୟର ପାଣିପାଗରେ ଦଳ ବଦଳ ରାଜନୀତିକୁ ସମାଲୋଚନା କରିଛନ୍ତି। ବିଜେପି ଯଦି ପିଡିପିକୁ ଭାଙ୍ଗିବାକୁ ଚକ୍ରାନ୍ତ କରୁଥାଏ ତେବେ ଆଗାମୀ ଦିନରେ ରାଜ୍ୟରେ ଏକାଧିକ ସଲାଉଦ୍ଦୀନ ଜନ୍ମ ହେବେ। ଏହା ଦ୍ୱାରା ରାଜ୍ୟର ଅବସ୍ଥା ୯୦ଦଶକ ପରି ହୋଇଯିବ। ମହବୁବା ମୁଫତି ତାଙ୍କ ବକ୍ତବ୍ୟରେ ୧୯୮୭ ନିର୍ବାଚନରେ ଯେଉଁ ଅନିୟମିତତା ହୋଇଥିଲା ଏହା ଦ୍ୱାରା ରାଜ୍ୟରେ ହିଜବୁଲ ମୁଜାହିନ୍ଦୀନର ମୁଖ୍ୟ ସୟିଦ ସଲାଉଦ୍ଦୀନ ଓ ୟାସିନ ମଲ୍ଲୀକ ପରି କୁଖ୍ୟାତ ଅପରାଧୀ ସେମାନଙ୍କ କାୟା ବିସ୍ତାର କରିବାର ସୁଯୋଗ ପାଇଥିଲେ। ଅନୁରୂପ ପରିସ୍ଥିତି ହେବ ଯଦି ପିଡିପି ଭାଙ୍ଗି କାଶ୍ମୀରବାସୀଙ୍କ ଅଧିକାରକୁ ଛଡ଼ାଇ ନେବାକୁ ଯେଉଁ ଉଦ୍ୟମ ଚାଲିଛି ତାହା ଆଗାମୀ ଦିନରେ ରାଜ୍ୟ ସ୍ଥିତିକୁ ଅଧିକ ଭୟଙ୍କର ହେବ ବୋଲି ମୁଫତି ଚେତାବନୀ ଦେଇଛନ୍ତି।
ସୂଚନାଯୋଗ୍ୟ ପିଡିପିର ୫ଜଣ ବିଧାୟକ ସର୍ବସାଧାରଣରେ ପ୍ରାକ୍ତନ ମୁଖ୍ୟମନ୍ତ୍ରୀଙ୍କ ବିରୋଧରେ ମନ୍ତବ୍ୟ ଦେଇଛନ୍ତି। ବିଦ୍ରୋହୀ ନେତା ଇମରାନ ଅନସାରୀ ଦୁଇ ଦିନ ପୂର୍ବେ ପୃଥକ ଏକ ମୋର୍ଚ୍ଚା ଗଠନ କରିବାକୁ ଘୋଷଣା କରିଥିଲେ। ସେ ତାଙ୍କ ବକ୍ତବ୍ୟରେ ପିଡିପି ମୁଖିଆ ଦିଲ୍ଲୀର କେନ୍ଦ୍ର ସରକାରଙ୍କ ଉପରେ ଚାପ ପ୍ରୟୋଗ କରୁଥିବା ଅଭିଯୋଗ ଆଣିଥିଲେ।

error: Thank You Keep Visiting