ସଙ୍ଘବଦ୍ଧ ଆକ୍ରମଣ ଘଟଣାରେ ମୃତ୍ୟୁଦଣ୍ଡର ପ୍ରସ୍ତାବ ସହ ଏକ ବିଲ୍‍ ଆଗତ କରିବେ କେନ୍ଦ୍ରସରକାର

An Independent Media

ନୂଆଦିଲ୍ଲୀ : ସଙ୍ଘବଦ୍ଧ ଭାବେ ଉତ୍ତ୍ୟକ୍ତ ଲୋକମାନଙ୍କ ଦ୍ୱାରା ଦିଆଯାଉଥିବା ନିର୍ମମ ଦଣ୍ଡ ଓ ହତ୍ୟାକାଣ୍ଡ ଘଟଣାରେ ମୃତ୍ୟୁଦଣ୍ଡ ଦିଆଯିବାର ପ୍ରସ୍ତାବ ସହ କେନ୍ଦ୍ର ସରକାର ଖୁବ୍‍ ଶୀଘ୍ର ଏକ ବିଲ୍‍ ଆଗତ କରିବେ ବୋଲି ସ୍ୱରାଷ୍ଟ୍ର ବିଭାଗ ରାଷ୍ଟ୍ରମନ୍ତ୍ରୀ ହଂସରାଜ ଅହିର କହିଛନ୍ତି । ମହାରାଷ୍ଟ୍ରର ୟବତମାଲ୍‍ଠାରେ ନାଥଯୋଗୀ ସଂପ୍ରଦାୟର ଏକ ପ୍ରତିନିଧି ଦଳ ସହିତ ଆଲୋଚନା ବେଳେ ସେ କହିଛନ୍ତି ଯେ, ୧୨ ବର୍ଷରୁ କମ୍‍ ବୟସର ବାଳିକାମାନଙ୍କୁ ବଳାତ୍କାର ଘଟଣାରେ ଯେଭଳି ମୃତ୍ୟୁଦଣ୍ଡାଦେଶର ବ୍ୟବସ୍ଥା ଥାଇ ଏକ ବିଲ୍‍ ପାସ୍‍ ହୋଇଛି; ଠିକ୍‍ ସେହିଭଳି ଏହି ବିଲ୍‍ ରେ ବ୍ୟବସ୍ଥା ରହିବ। ଅଦାଲତର ଦ୍ୱାରସ୍ଥ ନ ହୋଇ ଲୋକମାନଙ୍କ ଦ୍ୱାରା ବିଚାର କରି ମୃତ୍ୟୁଦଣ୍ଡ ଦିଆଯିବା ଏକ ବର୍ବରୋଚିତ କାର୍ଯ୍ୟ ଓ କୌଣସି ସଭ୍ୟ ସମାଜ ଏହାକୁ କେବେ ଗ୍ରହଣ କରିବ ନାହିଁ ବୋଲି ସେ କହିଛନ୍ତି ।
[amazon_link asins=’B01ETSOX6U,B07B3W83ZY,B00KVYEOE8,B00O52UQDA,B00KKL8XU8,B06WRWM53C,B01M0GLQ4L,B07D9G4PMX,B01FI00P60′ template=’ProductCarousel’ store=’odishajournal-21′ marketplace=’IN’ link_id=’d8db4549-94cf-11e8-bc61-93972fa7e694′]
ସୂଚନାଯୋଗ୍ୟ ଯେ ଚଳିତ ମାସରେ ମହାରାଷ୍ଟ୍ରର ସୋଲାପୁର ଜିଲ୍ଲାରେ ନାଥଯୋଗୀ ସଂପ୍ରଦାୟର ୫ଜଣଙ୍କୁ ପିଲାଚୋର ସନ୍ଦେହରେ ଲୋକମାନେ ପିଟିପିଟି ମାରି ଦେଇଥିଲେ। ଶ୍ରୀ ଅହିର ଏହି ଘଟଣାରେ ଦୁଃଖ ପ୍ରକାଶ କରିବା ସହିତ ଉଭୟ କେନ୍ଦ୍ର ଏବଂ ମହାରାଷ୍ଟ୍ର ସରକାର ଏହାକୁ ସମ୍ବେଦନଶୀଳ ପ୍ରସଙ୍ଗ ଭାବେ ଗ୍ରହଣ କରିଛନ୍ତି ବୋଲି କହିଛନ୍ତି।

error: Thank You Keep Visiting