ଆମ ଆଦମୀ ପାର୍ଟି (ଆପ)କୁ ସ୍ୱାଧୀନତା ଦିବସରେ ବଡ଼ ଝଟକା

Straight to the Point

ନୂଆଦିଲ୍ଲୀ : ଆମ ଆଦମୀ ପାର୍ଟି (ଆପ)କୁ ସ୍ୱାଧୀନତା ଦିବସ ଦିନ ଏକ ବଡ଼ ଝଟକା ଲାଗିଛି। ଆପର ବରିଷ୍ଠ ନେତା ତଥା ସାମ୍ବାଦିକ ଆଶୁତୋଷ ବୁଧବାର ସ୍ୱାଧୀନତା ଦିବସ ଦିନ ଦଳରୁ ଇସ୍ତଫା ଦେଇଛନ୍ତି। ଟ୍ୱିଟ୍‍ ଯୋଗେ ସେ ଆପରୁ ଇସ୍ତଫା ଦେଇଥିବା ଘୋଷଣା କରିଛନ୍ତି। ସେ ବ୍ୟକ୍ତିଗତ କାରଣରୁ ଇସ୍ତଫା ଦେଇଥିବା ପ୍ରକାଶ କରିଛନ୍ତି। ରାଜ୍ୟସଭାକୁ ପଠା ନ ଯିବାରୁ ଅସନ୍ତୁଷ୍ଟ ହୋଇ ଆଶୁତୋଷ ଇସ୍ତଫା ଦେଇଥିବା କୁହାଯାଉଛି। ଆଶୁତୋଷଙ୍କ ଇସ୍ତଫା କଥା ପ୍ରଚାର ହେବା ପରେ କବି ତଥା ରାଜନେତା କୁମାର ବିଶ୍ୱାସ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ସମାଲୋଚନା କରିଛନ୍ତି। ଆଶୁତୋଷ ଟ୍ୱିଟ୍‍ରରେ ଲେଖିଛନ୍ତି ଯେ ‘ସବୁ ଯାତ୍ରାର ଏକ ଅନ୍ତ ଥାଏ। ଆପ ସହ ସମ୍ପର୍କ ବହୁତ ଭଲ ଏବଂ କ୍ରାନ୍ତିକାରୀ ଥିଲା ଓ ଏହାର ବି ଅନ୍ତ ହୋଇଛି। ମୁଁ ଦଳରୁ ଇସ୍ତଫା ଦେଇଛି ଓ ପିଏସ୍‍କୁ ଏହାକୁ ସ୍ୱୀକାର କରିବାକୁ ନିବେଦନ କରିଛି। ଏହା ପୂର୍ଣ୍ଣରୂପେ ମୋ ବ୍ୟକ୍ତିଗତ ନିଷ୍ପତ୍ତି। ଦଳ ଏବଂ ସମର୍ଥକଙ୍କୁ ଧନ୍ୟବାଦ।’ ଉଲ୍ଲେଖ ଯେ ୨୦୧୪ ଜାନୁଆରୀ ୧୧ରେ ଆଶୁତୋଷ ଆପରେ ଯୋଗ ଦେଇଥିଲେ। ଅନ୍ନା ଏବଂ ଜନଲୋକପାଳ ଆନ୍ଦୋଳନ ଉପରେ ସେ ଏକ ପୁସ୍ତକ ରଚନା କରିଛନ୍ତି।

error: Thank You Keep Visiting