ଦୁଃସ୍ଥ ମାନସିକତାର ହନନ ହିଁ ସୁସ୍ଥ ସମାଜ ଗଠନ ପାଇଁ ଆବଶ୍ୟକ : ଉପରାଷ୍ଟ୍ରପତି

An Independent Media

ନୂଆଦିଲ୍ଲୀ: ଭିଡ଼ ହିଂସାରେ ବିଶ୍ୱାସ ରଖୁଥିବା ବ୍ୟକ୍ତିମାନେ ନିଜକୁ ଦେଶପ୍ରେମୀ କହିବା ଯୁକ୍ତିଯୁକ୍ତି ନୁହଁ ବୋଲି ଉପରାଷ୍ଟ୍ରପତି ଏମ୍‍ ଭେଙ୍କୟାନାଇଡ଼ୁ କହିଛନ୍ତି। ଏକ ସମ୍ବାଦ ସରବରାହ ସଂସ୍ଥାକୁ ସାକ୍ଷାତକାର ଦେଇ ଉପରାଷ୍ଟ୍ରପତି କହିଛନ୍ତି ଯେ ସମ୍ବିଧାନ କିମ୍ବା ଆଇନ୍‍ କିମ୍ବା ସରକାର ଚାହିଁଲେ ଏହାର ନିୟନ୍ତ୍ରଣ କରିପାରିବେ ନାହିଁ। ନିର୍ଭୟା ଘଟଣାର ଉଦାହରଣ ଦେଇ ସେ କହିଲେ ଯେ ଏହି ଲୋମହର୍ଷଣକାରୀ ଘଟଣା ପରେ ଦେଶରେ ନିର୍ଭୟା ଆଇନ୍‍ ପ୍ରଣୟନ ହେଲା, କିନ୍ତୁ ଅପରାଧ ହ୍ରାସ ପାଇଲା ନାହିଁ। ତେଣୁ ଯେତେଦିନ ପର୍ଯ୍ୟନ୍ତ ମାନସିକତାରେ ପରିବର୍ତ୍ତନ ନ ଆସିଛି କୌଣସି ଅପରାଧ କିମ୍ବା ସମସ୍ୟା ହ୍ରାସ ପାଇବ ନାହିଁ। ଆଇନ୍‍ ପ୍ରଣୟନ ନୁହେଁ ବରଂ ଦୁଃସ୍ଥ ମାନସିକତାର ହନନ ହିଁ ସୁସ୍ଥ ସମାଜ ଗଠନ ପାଇଁ ଆବଶ୍ୟକ। ସେହିପରି ଭିଡ଼ ହିଂସାକୁ ନେଇ ରାଜନୀତି କରାଯାଉଥିବାରୁ ଉପରାଷ୍ଟ୍ରପତି କ୍ଷୋଭ ପ୍ରକାଶ କରିଛନ୍ତି। କୌଣସି ହିଂସା କୌଣସି ଦଳର ଆଭିମୁଖ୍ୟ କିମ୍ବା ନୀତି ନୁହେଁ, ଏହା ସବୁ ଦଳୀୟ ଭାବନାରୁ ଊଦ୍ଧ୍ୱର୍ରେ ରହିବା ଉଚିତ ଓ ରାଜନୀତି ନ ହେବା ଆବଶ୍ୟକ ବୋଲି ସେ କହିଛନ୍ତି।

error: Thank You Keep Visiting