୫୫୭କୋଟି ଟଙ୍କା ପ୍ରକଳ୍ପର ଶିଳାନ୍ୟାସ ଓ ଶୁଭାରମ୍ଭ କଲେ ପ୍ରଧାନମନ୍ତ୍ରୀ

An Independent Media

ବାରଣାସୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ବାରଣାସୀଠାରେ ୫୫୭କୋଟି ୩୯ଲକ୍ଷ ଟଙ୍କାରେ କାର୍ଯ୍ୟକାରୀ ହେଉଥିବା ବିଭିନ୍ନ ବିକାଶମୂଳକ ପ୍ରକଳ୍ପର

The Prime Minister, Shri Narendra Modi laying the Foundation Stone for various development projects, in Varanasi, Uttar Pradesh on September 18, 2018. The Chief Minister of Uttar Pradesh, Yogi Adityanath is also seen.

ଭିତ୍ତିପ୍ରସ୍ତର ସ୍ଥାପନ ଓ ଶୁଭାରମ୍ଭ କରିଛନ୍ତି। ପ୍ରଧାନମନ୍ତ୍ରୀ ପୁରୁଣା କାଶୀଠାରେ ଏକ ସମନ୍ୱିତ ବିଦ୍ୟୁତ୍‍ ବିକାଶ ଯୋଜନା ଓ ବନାରସ ହିନ୍ଦୁ ବିଶ୍ୱବିଦ୍ୟାଳୟଠାରେ ଅଟଳ ନବୋନ୍ମେଷ କେନ୍ଦ୍ର ଉଦ୍‍ଘାଟନ କରିଛନ୍ତି।

 

ଏହି ଅବସରରେ ସାଧାରଣ ଜନତାଙ୍କୁ ଉଦ୍‍ବୋଧନ ଦେଇ ଶ୍ରୀ ମୋଦି କହିଛନ୍ତି ବାରାଣାସୀକୁ ପୂର୍ବ ଭାରତର ଏକ ମୁଖ୍ୟ ବାଣିଜ୍ୟ କେନ୍ଦ୍ର ଭାବେ ଗଢ଼ି ତୋଳିବା ଲାଗି ସରକାର ଯଥାସମ୍ଭବ ଉଦ୍ୟମ କରିଛନ୍ତି। ବାରଣାସୀ ସହରର ରିଙ୍ଗରୋଡ଼ କଡରେ ନୂଆ ସଡ଼କମାନ ନିର୍ମାଣ କରାଯାଉଛି ଓ ଚାରିବର୍ଷ ପରେ ଏହାର ସୁଫଳ ଦେଖିବାକୁ ମିଳିବ ବୋଲି ଶ୍ରୀ ମୋଦି କହିଛନ୍ତି।

ସହରକୁ ଅନ୍ୟାନ୍ୟ ରାଜ୍ୟ ସହ ବିଭିନ୍ନ ସଡ଼କ ମାଧ୍ୟମରେ ସଂଯୋଗ କରାଯାଉଛି। ପ୍ରଧାନମନ୍ତ୍ରୀ କହିଛନ୍ତି ଗତ ୪ବର୍ଷ ଭିତରେ ରେଳ ସଂଯୋଗ ମଧ୍ୟ ବହୁଗୁଣ ବୃଦ୍ଧି ପାଇଛି। ସହରର ସୌନ୍ଦର୍ଯ୍ୟ ବୃଦ୍ଧି କରାଯାଇଛି ଓ ଘାଟଗୁଡ଼ିକୁ ପରିଷ୍କାରପରିଚ୍ଛନ୍ନ କରାଯିବା ସହ ଆକର୍ଷଣୀୟ କରାଯାଇପାରିଛି। ଆସନ୍ତା ବର୍ଷ ପ୍ରବାସୀ ଭାରତୀୟ ଦିବସ ଆୟୋଜନ କରାଯାଉଥିବାରୁ ବାରାଣାସୀ ଉପରେ ସମସ୍ତଙ୍କର ନଜର ରହିବ ବୋଲି ପ୍ରଧାନମନ୍ତ୍ରୀ କହିଛନ୍ତି।

error: Thank You Keep Visiting