ଓସ୍କାର ବିଜେତା ହଲିଉଡ଼ ନିର୍ଦ୍ଦେଶକଙ୍କ ଚଳଚ୍ଚିତ୍ରରେ ଅଭିନୟ କରିବାକୁ ମନାକଲେ ଅମିତାଭ

Straight to the Point

ମୁମ୍ବଇ : ପାକିସ୍ତାନୀ ବ୍ୟକ୍ତିର ଭୂମିକା ମିଳିବାରୁ ବଲିଉଡ଼ ଅଭିନେତା ଅମିତାଭ ବଚ୍ଚନ ଜଣେ ହଲିଉଡ଼ ନିର୍ଦ୍ଦେଶକଙ୍କ ଚଳଚ୍ଚିତ୍ରରେ ଅଭିନୟ କରିବାକୁ ମନା କରିଦେଇଛନ୍ତି। ଓସ୍କାର ବିଜେତା ହଲିଉଡ଼ ନିର୍ଦ୍ଦେଶକ ରେସଲ ପୋକ୍ୟୁଟି ବିଗ୍ ବିଙ୍କୁ କିଛିଦିନ ପୂର୍ବରୁ ତାଙ୍କ ଚଳଚ୍ଚିତ୍ରରେ ଅଭିନୟ ପାଇଁ ପ୍ରସ୍ତାବ ଦେଇଥିଲେ। ସେତେବେଳେ ବିଗ୍ ବି ଏହି ପ୍ରସ୍ତାବରେ ସହମତି ପ୍ରକାଶ କରିଥିଲେ। ମାତ୍ର ନିକଟରେ ଘଟିଥିବା ପୁଲୱାମା ଆକ୍ରମଣ ପରେ ସେ ଏଥିରୁ ଓହରିବା ପାଇଁ ନିଷ୍ପତ୍ତି ନେଇଥିବା କୁହାଯାଉଛି।

ସୂଚନାଯୋଗ୍ୟ, ଅମିତାଭ ଏବେ ‘ତେରା ୟାର୍ ହୁଁ ମୈ’ ଚଳଚ୍ଚିତ୍ରର ଶୁଟିଂରେ ବ୍ୟସ୍ତ ଅଛନ୍ତି। ନିଜର ବ୍ୟସ୍ତ କାର୍ଯ୍ୟସୂଚୀ କାରଣରୁ ସେ ରେସଲଙ୍କ ଏହି ଚଳଚ୍ଚିତ୍ର ପାଇଁ ସମୟ ଦେଇ ପାରୁନଥିଲେ। ତାଙ୍କ କାର୍ଯ୍ୟସୂଚୀ ଅନୁସାରେ ‘ବ୍ରହ୍ମାସ୍ତ୍ର’ ଓ ‘ତେରା ୟାର୍ ହୁଁ ମୈ’ର ଶୁଟିଂ ପରେ ହିଁ ତାଙ୍କୁ ସମୟ ମିଳିବ। ରେସଲ ମଧ୍ୟ ତାଙ୍କ ପାଇଁ ଦୀର୍ଘଦିନ ଧରି ଅପେକ୍ଷା କରିଥିଲେ। ହେଲେ ଏବେ ଭାରତ-ପାକ୍ ମଧ୍ୟରେ ଲାଗିରହିଥିବା ତିକ୍ତତାକୁ ଦୃଷ୍ଟିରେ ରଖି ଅମିତାଭ ଏଥିରେ ଅଭିନୟ କରିବା ପାଇଁ ସମ୍ପୂର୍ଣ୍ଣ ରୂପେ ମନା କରିଦେଇଥିବା ଜଣାପଡ଼ିଛି।

error: Thank You Keep Visiting