ଭୋପାଳରୁ ନିର୍ବାଚନ ଲଢିବେ ସାଧ୍ୱୀ ପ୍ରଜ୍ଞା

Straight to the Point

ଭୋପାଳ : ମାଲେଗାଁଓ ବୋମା ବିସ୍ଫୋରଣ ମାମଲାରୁ ଚର୍ଚ୍ଚାକୁ ଆସିଥିବା ହିନ୍ଦୁ ସନ୍ୟାସିନୀ ସାଧ୍ୱୀ ପ୍ରଜ୍ଞା ଠାକୁର ବୁଧବାର ବିଜେପିରେ ଯୋଗଦେଇଛନ୍ତି। ସେ ବୁଧବାର ସକାଳେ ଭୋପାଳସ୍ଥିତ ବିଜେପି କାର୍ଯ୍ୟାଳୟରେ ପହଞ୍ଚି ବରିଷ୍ଠ ନେତାଙ୍କ ସହ ଆଲୋଚନା କରିଥିଲେ। ଆଲୋଚନା ପରେ ସେ ପ୍ରାଥମିକ ସଦସ୍ୟତା ଗ୍ରହଣ ପୂର୍ବକ ଆନୁଷ୍ଠାନିକ ଭାବେ ବିଜେପିରେ ଯୋଗଦେଇଛନ୍ତି। କୁହାଯାଉଛି ଯେ ସେ ଭୋପାଳ ଲୋକସଭା ଆସନରୁ ନିର୍ବାଚନ ଲଢିବେ। ଭୋପାଳରେ ତାଙ୍କ ଟକ୍କର ସିଧାସଳଖ ଭାବେ କଂଗ୍ରେସର ବରିଷ୍ଠ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂହଙ୍କ ସହ ହେବ।

ବିଜେପି କାର୍ଯ୍ୟାଳୟରେ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ, ରାମଲାଲ ଏବଂ ପ୍ରଭାତ ଝା’ ସାଧ୍ୱୀ ପ୍ରଜ୍ଞାଙ୍କୁ ସ୍ୱାଗତ କରିଥିଲେ। ସାଧ୍ୱୀ ପ୍ରଜ୍ଞାଙ୍କ ବିଜେପିରେ ଯୋଗଦାନକୁ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଳନାଥ ସମାଲୋଚନା କରିଛନ୍ତି। ଏହା ବିଜେପିର ମନୋଭାବ ଏବଂ ଆଭିମୁଖ୍ୟକୁ ଦର୍ଶାଉଛି ବୋଲି ସେ କଟାକ୍ଷ କରିଛନ୍ତି।

error: Thank You Keep Visiting