ପୁଣି ସୁପ୍ରିମକୋର୍ଟରେ ନିଃସର୍ତ୍ତ କ୍ଷମାପ୍ରାର୍ଥନା କଲେ ରାହୁଲ ଗାନ୍ଧୀ

Straight to the Point

ନୂଆଦିଲ୍ଲୀ: ରାଫେଲ ଡିଲ ପ୍ରସଙ୍ଗରେ ସୁପ୍ରିମକୋର୍ଟଙ୍କ ରାୟକୁ ଭିନ୍ନ ଢଙ୍ଗରେ ଉପସ୍ଥାପନ କରିଥିବା କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ବୁଧବାର ସର୍ବୋଚ୍ଚ ନ୍ୟାୟାଳୟଙ୍କ ନିକଟରେ ନିଃସର୍ତ୍ତ କ୍ଷମାପ୍ରାର୍ଥନା କରିଛନ୍ତି। ସୁପ୍ରିମକୋର୍ଟ ଗତ ଏପ୍ରିଲ ୧୦ ତାରିଖରେ ରାଫେଲ ଡିଲ ମାମଲାର ଶୁଣାଣି କରିବା ବେଳେ ଲିକ୍‌ ହୋଇଥିବା ଗୋପନୀୟ ତଥ୍ୟ ବୈଧ ବୋଲି ଦର୍ଶାଇବା ସହ ମାମଲାର ପୁନଃ ଶୁଣାଣି କରିବେ ବୋଲି ରାୟ ଦେଇଥିଲେ। କିନ୍ତୁ ରାହୁଲ ଏହା ଉପରେ ମନ୍ତବ୍ୟ ଦେଇ ସୁପ୍ରିମକୋର୍ଟ ମାନିଲେ ଯେ ‘ଚୌକିଦାର ଚୋର୍‌ ହୈ’ ବୋଲି କହିଥିଲେ। ଏ ନେଇ ବିଜେପି ପକ୍ଷରୁ ମିନାକ୍ଷୀ ଲେଖି ସୁପ୍ରିମକୋର୍ଟରେ ରାହୁଲଙ୍କ ବିରୋଧରେ ଅଦାଲତ ଅବମାନନା ମାମଲା ଦାୟର କରିଥିଲେ। ଏହା ପରେ ଗତଥର ଶୁଣାଣି ବେଳେ ରାହୁଲ ସୁପ୍ରିମକୋର୍ଟରେ କ୍ଷମାପ୍ରାର୍ଥନା କରିଥିଲେ। କିନ୍ତୁ କୋର୍ଟ ତାଙ୍କୁ ଏକ ଲଖିତ କ୍ଷମାପ୍ରାର୍ଥନା ଦାଖଲ କରିବାକୁ ନିର୍ଦେଶ ଦେଇଥିଲେ। ଏହାପରେ ରାହୁଲ ବୁଧବାର ସୁପ୍ରିମକୋର୍ଟରେ ଲିଖିତ ଭାବରେ ନିଃସର୍ତ୍ତ କ୍ଷମାପ୍ରାର୍ଥନା ଦାଖଲ କରିଥିଲେ। ଏହା ସହ ଏହି ମାମଲାରେ ତାଙ୍କ ବିରୋଧରେ ଶୁଣାଣି ବନ୍ଦ କରିବାକୁ ରାହୁଲ କୋର୍ଟଙ୍କୁ ନିବେଦନ କରିଛନ୍ତି।

Leave a Reply

Your email address will not be published. Required fields are marked *

error: Thank You Keep Visiting