ଶୋଚନୀୟ ପରାଜୟ ନିଜକୁ ଦୋଷୀ ମନେ କରି ଗୁରୁତ୍ବପୂର୍ଣ୍ଣ ପଦବୀରୁ ବରିଷ୍ଠ ନେତାଙ୍କ ଇସ୍ତଫା

Straight to the Point

ନୂଆଦିଲ୍ଲୀ : କଂଗ୍ରେସର ଶୋଚନୀୟ ପରାଜୟ ପାଇଁ ଦଳର ଅଧ୍ୟକ୍ଷ ରାହୁଲ ଗାନ୍ଧୀ ନିଜକୁ ଦାୟୀ କରିଛନ୍ତି । ହେଲେ ଦଳର କିଛି ବରିଷ୍ଠ ନେତା ଏହି ପରାଜୟ ପାଇଁ ନିଜକୁ ଦୋଷୀ ମନେ କରି ଗୁରୁତ୍ବପୂର୍ଣ୍ଣ ପଦବୀରୁ ଇସ୍ତଫା ଦେବା ଆରମ୍ଭ କରିଦେଇଛନ୍ତି । ଏହି କ୍ରମରେ ଉତ୍ତର ପ୍ରଦେଶର କଂଗ୍ରେସ ଅଧ୍ୟକ୍ଷ ପଦରୁ ରାଜ ବବର ଇସ୍ତଫା ଦେଇଛନ୍ତି । ସେହିପରି କର୍ଣ୍ଣାଟକରେ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ଏଚ୍.କେ ପାଟିଲ ଏବଂ ଓଡିଶା ପ୍ରଦେଶ ଅଧ୍ୟକ୍ଷ ପଦରୁ ନିରଞ୍ଜନ ପଟ୍ଟନାୟକ ଇସ୍ତଫା ଦେଇଛନ୍ତି । ଉତ୍ତରପ୍ରଦେଶରେ କଂଗ୍ରେସ କେବଳ ଗୋଟିଏ ଆସନରେ ବିଜୟୀ ହୋଇଛି । ଏପରିକି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ତାଙ୍କ ପାରମ୍ପରିକ ଲୋକସଭା ଆସନ ଅମେଠିରୁ ହାରି ଯାଇଛନ୍ତି । ଅନ୍ୟମାନଙ୍କ ମଧ୍ୟରେ ଅମେଠି ଜିଲା କଂଗ୍ରେସ ଅଧ୍ୟକ୍ଷ ନିଜ ପଦରୁ ଇସ୍ତଫା ଦେଇଛନ୍ତି । କଂଗ୍ରେସ ଜେଡିଏସ ମେଣ୍ଟ ସରକାର ଥିବା ସତ୍ତ୍ବେ କର୍ଣ୍ଣାଟକରେ କଂଗ୍ରେସ ଗୋଟିଏରୁ ଅଧିକ ଆସନ ଜିତି ପାରିନାହିଁ । 

error: Thank You Keep Visiting