‘ନୋ ଫ୍ଲାଇଙ୍ଗ ଜୋନ୍‍’ ଘୋଷଣା ପ୍ରସ୍ତାବକୁ ପ୍ରତ୍ୟାଖ୍ୟାନ

Straight to the Point

ପୁରୀ : ରଥଯାତ୍ରା ସମୟରେ ପୁରୀକୁ ‘ନୋ ଫ୍ଲାଇଙ୍ଗ ଜୋନ୍‍’ ଘୋଷଣା ପ୍ରସ୍ତାବକୁ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପ୍ରତ୍ୟାଖ୍ୟାନ କରିଛି। ଭୌଗୋଳିକ ସ୍ଥିତି ଅନୁଯାୟୀ ଶ୍ରୀମନ୍ଦିର ଓ ବଡ଼ଦାଣ୍ଡ ଉପରେ ବିମାନ ଚଳାଚଳ ପଥ ରହିଥିବା କୁହାଯାଇଛି। ୩୫ହଜାର ଫୁଟ ଉପରେ ବିମାନ ଚଳାଚଳ କରୁଥିବାରୁ ଶ୍ରୀଜଗନ୍ନାଥ ମନ୍ଦିର ପ୍ରତି ବିପଦ ଆଶଙ୍କା ନଥିବା ବିଭାଗୀୟ ଅଧିକାରୀ ଯୁକ୍ତି ବାଢିଛନ୍ତି। ଜରୁରୀ ପରିସ୍ଥିତିରେ ଯଦି ୧୦୦୦ଫୁଟ ତଳକୁ ବିମାନ ଚଳାଚଳ ହ୍ରାସ ପାଏ ତେବେ ଆଗୁଆ ସୂଚନା ଦିଆଯିବ ବୋଲି ମନ୍ତ୍ରଣାଳୟ ପ୍ରକାଶ କରିଛି। ରଥଯାତ୍ରା ସମୟରେ ଶ୍ରୀମନ୍ଦିର ଉପରେ ବିମାନ ଚଳାଚଳ ନିଷିଦ୍ଧ ଘୋଷଣା ପାଇଁ ପୁଲିସ ବିଭାଗ ପକ୍ଷରୁ ପ୍ରସ୍ତାବ ଦିଆଯାଇଥିଲା। କେନ୍ଦ୍ର ସରକାର ତାହାକୁ ଅଗ୍ରାହ୍ୟ କରିଥିବା ଆରକ୍ଷୀ ଅଧିକ୍ଷକ ଡାକ୍ତର ସାର୍ଥକ କୁମାର ଷଡଙ୍ଗୀ ଗୁରୁବାର ସୂଚନା ଦେଇଛନ୍ତି।

error: Thank You Keep Visiting