ଭିଡ଼ିଓ କନ୍‍ଫେରେନ୍‍ସିଂ ଜରିଆରେ ୩୪ଟି ପଥପ୍ରାନ୍ତ ସୁବିଧା କେନ୍ଦ୍ର ଉଦ୍‍ଘାଟନ

Straight to the Point

ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ସଚ୍ଚିବାଳୟରେ ଭିଡ଼ିଓ କନ୍‍ଫେରେନ୍‍ସିଂ ଜରିଆରେ ପର୍ଯ୍ୟଟକ ଓ ଯାତ୍ରୀ ମାନଙ୍କ ସୁବିଧା ପାଇଁ ୩୪ଟି ପଥପ୍ରାନ୍ତ ସୁବିଧା କେନ୍ଦ୍ର(ୱେ ସାଇଡ଼୍‍ ଆମେନିଟିଜ୍‍ ସେଣ୍ଟର) ଉଦ୍‍ଘାଟନ କରିଛନ୍ତି। ଏହାଦ୍ୱାରା ରାଜ୍ୟର ବିଭିନ୍ନ ପର୍ଯ୍ୟଟନ କେନ୍ଦ୍ର ଓ ଦୂରଦୂରାନ୍ତକୁ ଯାଉଥିବା ଲୋକମାନଙ୍କ ଯାତ୍ରା ସୁବିଧାଜନକ ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ମଙ୍ଗଳବାର ଉଦ୍‍ଘାଟିତ ହୋଇଥିବା ୩୪ଟି ସୁବିଧା କେନ୍ଦ୍ର ମଧ୍ୟରୁ ୫ଟି ସୁବିଧା କେନ୍ଦ୍ରକୁ ମୁଖ୍ୟମନ୍ତ୍ରୀ ଭିଡ଼ିଓ କନ୍‍ଫେରେନ୍‍ସିଂ ଜରିଆରେ ସିଧାସଳଖ ଉଦ୍‍ଘାଟନ କରିଥିବା ବେଳେ ଅନ୍ୟ କେନ୍ଦ୍ରଗୁଡ଼ିକୁ ମନ୍ତ୍ରୀ, ସ୍ଥାନୀୟ ସାଂସଦ ଓ ବିଧାୟକମାନେ ଉଦ୍‍ଘାଟନ କରିଥିଲେ । ମୁଖ୍ୟମନ୍ତ୍ରୀ କଟକ ଜିଲ୍ଲାର ଯାତମୁଣ୍ଡେଇ ଛକ, ଯାଜପୁରର ଡୁବୁରୀ-କଳିଙ୍ଗ ନଗର, ନୟାଗଡ଼ର ଓଡ଼ଗାଁ, ସମ୍ବଲପୁରର ଧମା ଓ ଢେଙ୍କାନାଳର କପିଳାସ ସୁବିଧା କେନ୍ଦ୍ର ଗୁଡ଼ିକୁ ସିଧାସଳଖ ଉଦଘାଟନ କରିଥିଲେ।

[amazon_link asins=’B0758GWFSX,B0772WDQL3,B072Q8BMLL,B076337WTX,B008OPT50Y,B07F736K1J,B074JHDQKZ,B01IJ5A0PC,9350099888′ template=’ProductCarousel’ store=’odishajournal-21′ marketplace=’IN’ link_id=’8aeb4be7-94ce-11e8-96c8-b9603b9ab3ea’]

ଏହି ଅବସରରେ ମୁଖ୍ୟମନ୍ତ୍ରୀ କହିଥିଲେ ଯେ ଯାତ୍ରୀ ମାନଙ୍କ ସୁବିଧାକୁ ଆଖି ଆଗରେ ରଖି ଏହି କେନ୍ଦ୍ର ଗୁଡ଼ିକର ବିକାଶ କରାଯାଇଛି। ଏହି କେନ୍ଦ୍ର ଗୁଡ଼ିକ ପର୍ଯ୍ୟଟକ, ମହିଳା ଓ ଭିନ୍ନକ୍ଷମ ଯାତ୍ରୀ ମାନଙ୍କ ପାଇଁ ବହୁତ ସହାୟକ ହେବ ବୋଲି ମୁଖ୍ୟମନ୍ତ୍ରୀ କହିଥିଲେ। ଆଗାମୀ ଦିନରେ ରାଜ୍ୟର ସମସ୍ତ ପର୍ଯ୍ୟଟନ କେନ୍ଦ୍ର ଓ ଗୁରୁତ୍ୱପୂର୍ଣ୍ଣ ସ୍ଥାନ ମାନଙ୍କରେ ଏଭଳି କେନ୍ଦ୍ରର ବିକାଶ କରାଯିବ। ଏହି କେନ୍ଦ୍ର ଗୁଡ଼ିକର ଉପଯୁକ୍ତ ରକ୍ଷଣାବେକ୍ଷଣ ପାଇଁ ମୁଖ୍ୟମନ୍ତ୍ରୀ ପୂର୍ତ୍ତବିଭାଗକୁ ପରାମର୍ଶ ଦେଇଥିଲେ। ସୂଚନାଯୋଗ୍ୟ ଯେ ରାଜ୍ୟରେ ବର୍ତ୍ତମାନ ନିର୍ମାଣଧୀନ ୫୦ଟି ସୁବିଧା କେନ୍ଦ୍ର ମଧ୍ୟରୁ ୩୪ଟିର ନିର୍ମାଣ ସମ୍ପୂର୍ଣ୍ଣ ହୋଇଛି। ଏଗୁଡ଼ିକରେ ଶୌଚାଳୟ, କ୍ୟାଫେଟେରିଆ, ପାନୀୟ ଜଳ ଓ ପାର୍କିଂର ସୁବିଧା ରହିଛି। ଆଗାମୀ ଦିନରେ ଏହି ସ୍ଥାନ ଗୁଡ଼ିକରେ ଅଧିକ ବିକାଶ କରାଯିବ।

error: Thank You Keep Visiting