ସ୍ୱଦେଶୀ ଜ୍ଞାନକୌଶଳରେ ନିର୍ମିତ ସବ-ସୋନିକ କ୍ରୁଜ କ୍ଷେପଣାସ୍ତ୍ର ‘ନିର୍ଭୟ’ର ସଫଳ ପରୀକ୍ଷଣ

Straight to the Point

ବାଲେଶ୍ୱର : ଭାରତ ସୋମବାର ସ୍ୱଦେଶୀ ଜ୍ଞାନକୌଶଳରେ ନିର୍ମିତ ସବ-ସୋନିକ କ୍ରୁଜ କ୍ଷେପଣାସ୍ତ୍ର ‘ନିର୍ଭୟ’ର ସଫଳ ପରୀକ୍ଷଣ କରିଛି। ଓଡ଼ିଶାର ଚାନ୍ଦିପୁର କ୍ଷେପଣାସ୍ତ୍ର ଘାଟରୁ ଏହି କ୍ଷେପଣାସ୍ତ୍ର ପରୀକ୍ଷା କରାଯାଇଛି। ୧୦୦୦ କିଲୋମିଟର ମାରକ କ୍ଷମତା ବିଶିଷ୍ଟ ଏହି ସବ-ସୋନିକ କ୍ରୁଜ କ୍ଷେପଣାସ୍ତ୍ରକୁ ଖୁବଶୀଘ୍ର ସେନାର ସାମିଲ କରାଯିବ ବୋଲି ସୂଚନା ଦିଆଯାଇଛି।

ଭାରତୀୟ ପ୍ରତିରକ୍ଷା ଏବଂ ଗବେଷଣା ବିକାଶ ପ୍ରତିଷ୍ଠାନ (ଡିଆରଡିଓ) ଏହି କ୍ଷେପଣାସ୍ତ୍ରକୁ ବିକଶିତ କରିଛି। ଏହି କ୍ଷେପଣାସ୍ତ୍ରର ମାରକ କ୍ଷମତା ଆମେରିକାର ପ୍ରସିଦ୍ଧ ଟୋମହାୱକ୍‍ କ୍ଷେପଣାସ୍ତ୍ର ସହ ସମାନ ରହିଛି। ‘ନିର୍ଭୟ’ କ୍ଷେପଣାସ୍ତ୍ର ୩୦୦ କିଲୋଗ୍ରାମ ପର୍ଯ୍ୟନ୍ତ ପରମାଣୁ ୱାରହେଡ଼ ନେଇପାରିବ ଓ ସଠିକ୍‍ ଭାବେ ଲକ୍ଷ୍ୟ ଭେଦ କରିପାରିବ।
ପ୍ରକାଶଯୋଗ୍ୟ ଯେ ଚୀନ ଏବଂ ପାକିସ୍ତାନ ପଟୁ ବଢୁଥିବା ବିପଦକୁ ଲକ୍ଷ୍ୟ କରି ଭାରତ ଏକ ଦୂର ମାରକ କ୍ଷମତା ବିଶିଷ୍ଟ କ୍ଷେପଣାସ୍ତ୍ର ତିଆରି କରିବାକୁ ନିଷ୍ପତ୍ତି ନେଇଥିଲା।

ମାତ୍ର ମିଶାଇଲ କଣ୍ଟ୍ରୋଲ ରେଜିମ (ଏମ୍‍ଟିସିଆର) ଯୋଗୁଁ ଏଭଳି କ୍ଷେପଣାସ୍ତ୍ର ବିକାଶ କରିବାକୁ ଅନ୍ୟ ଦେଶର ସହଯୋଗ ମିଳିପାରିନଥିଲା। ଏହାବଦ୍‍ ଡିଆରଡିଓ ଏକାକୀ ‘ନିର୍ଭୟ’ ସବ-ସୋନିକ କ୍ରୁଜ କ୍ଷେପଣାସ୍ତ୍ର ବିକଶିତ କରିଛି। ପ୍ରକାଶଯୋଗ୍ୟ ଯେ ମିଶାଇଲ ଟେକ୍ନୋଲୋଜି କଣ୍ଟ୍ରୋଲ ରେଜିମ (ଏମ୍‍ଟିସିଆର) ଏକ ଅନ୍ତର୍ଜାତୀୟ ରପ୍ତାନୀ ନିୟନ୍ତ୍ରଣ ରାଜିନାମା ଅଟେ। ଏହି ରାଜିନାମା କ୍ଷେପଣାସ୍ତ୍ର ଜ୍ଞାନକୌଶଳ ଆଦାନପ୍ରଦାନ ଉପରେ ରୋକ୍‍ ଲଗାଇଥାଏ।

୩୦୦ରୁ ଅଧିକ କିଲୋମିଟର ମାରକ କ୍ଷମତା ବିଶିଷ୍ଟ କ୍ଷେପଣାସ୍ତ୍ର ପାଇଁ ଜ୍ଞାନକୌଶଳ ଆଦାନ ପ୍ରଦାନ ଉପରେ ଏହି ରାଜିନାମା ପ୍ରତିବନ୍ଧକ ଲଗାଇଛି। ୧୯୮୭ରେ ଜି-୭ ସଦସ୍ୟ ଦେଶଙ୍କ ବୈଠକରେ (ଏମ୍‍ଟିସିଆର) ଗଠନ କରାଯାଇଥିଲା। ୨୦୧୬ରେ ଭାରତ ଏହି କ୍ଲବ୍‍ର ସଦସ୍ୟ ହୋଇଥିଲା। ଏହି କାରଣୁ ଭାରତ ଏବଂ ରୁଷ ଦ୍ୱାରା ମିଳିତ ଭାବେ ବିକଶିତ ବ୍ରହ୍ମୋସ ସୁପରସୋନିକ କ୍ରୁଜ କ୍ଷେପଣାସ୍ତ୍ରର ମାରକ କ୍ଷମତା ୩୦୦ କିଲୋମିଟର ରଖାଯାଇଛି।

error: Thank You Keep Visiting