ରାଜ୍ୟ ସରକାରଙ୍କ ୨୦ ବର୍ଷ ଶାସନ ପରେ ମଧ୍ୟ ଜନସାଧାରଣ ମୌଳିକ ସୁବିଧାରୁ ବଞ୍ଚିତ:ରାଜନାଥ ସିଂହ

Straight to the Point

କରଞ୍ଜିଆ : ଲୋକସଭା ଓ ବିଧାନସଭାକୁ ନେଇ ରାଜ୍ୟ ରାଜନୀତି ଦିନକୁ ଦିନ ସରଗରମ ହେବାରେ ଲାଗିଛି। ଗୁରୁବାର ଆନନ୍ଦପୁରରେ ନୀତିନ ଗଡକରୀ ଓ ଉମା ଭାରତୀ କଟକ ଆସିଥିବା ବେଳେ ଶୁକ୍ରବାର ଗୃହମନ୍ତ୍ରୀ ରାଜନାଥ ସିଂହ କରଞ୍ଜିଆ, କିଶୋରନଗରରେ ପ୍ରଚାର କରିଛନ୍ତି। ପିଏମ କିଷାନ ଯୋଜନାରେ ଓଡ଼ିଶାର ଚାଷୀଙ୍କ ସମ୍ପୁର୍ଣ୍ଣ ତାଲିକା ଦେଇନଥିବା ନେଇ ରାଜନାଥ ସିଂହ ରାଜ୍ୟ ସରକାରଙ୍କୁ କଡା ସମାଲୋଚନା କରିଛନ୍ତି। ସେ ଆହୁରି କହିଛନ୍ତି, ୨୦ବର୍ଷ ଶାସନ କରିବା ପରେ ମଧ୍ୟ ରାଜ୍ୟ ସରକାର ଜନସାଧାରଣଙ୍କୁ ମୌଳିକ ସୁବିଧା ଦେଇପାରିନାହାନ୍ତି। ରାଜ୍ୟ ସରକାରକୁ ବଦଳାଇବା ପାଇଁ ସେ ଜନସାଧାରଣଙ୍କୁ ଆହ୍ୱାନ ଦେଇଛନ୍ତି।
କେନ୍ଦ୍ର ସରକାର ଓଡ଼ିଶାର ଭାଷା ସଂସ୍କୃତିକୁ ସବୁବେଳେ ଗୁରୁତ୍ୱ ଦେଇଆସୁଛି। କେନ୍ଦ୍ର ସରକାର ଛଉ ନୃତ୍ୟର ପ୍ରଚାର ପ୍ରାସର କରିବାକୁ ଉଦ୍ୟମ କରିବ ବୋଲି ସେ କହିଛନ୍ତି। ପାକିସ୍ତାନକୁ ଯୁଦ୍ଧରେ ହରାଇବା ପାଇଁ ଇନ୍ଦିରା ଗାନ୍ଧୀଙ୍କୁ ପ୍ରଶଂସା କରାଯାଉଛି। ତେବେ ବାଲାକୋଟ ଏୟାର ଷ୍ଟ୍ରାଇକ ପାଇଁ ନରେନ୍ଦ୍ର ମୋଦୀଙ୍କୁ କଣ ପାଇଁ ପ୍ରଶଂସା କରାଯିବନି ବୋଲି ରାଜନାଥ ସିଂହ ପ୍ରଶ୍ନ କରିଛନ୍ତି। ୫ବର୍ଷ ପୂର୍ବେ ଦେଶରେ ୧୨.୫ କୋଟି ଗରିବ ଥିଲେ, ମାତ୍ର କେନ୍ଦ୍ର ସରକାରଙ୍କ ଉଦ୍ୟମରେ ୫କୋଟିକୁ ହ୍ରାସ ପାଇଥିବା ସେ କହିଛନ୍ତି।

error: Thank You Keep Visiting