‘ଫନି’ ପ୍ରଭାବରେ ୪ଜଣଙ୍କ ମୃତ୍ୟୁ ସୂଚନା

Straight to the Point

ଭୁବନେଶ୍ୱର : ସାମୁଦ୍ରିକ ‘ଫନି’ର କରାଳ ରୂପ ଆଗରେ ହାର ମାନିଛି ମାନବଜୀବନ। ମିଳିଥିବା ସୂଚନା ଅନୁସାରେ ଫନିର ପ୍ରଭାବରେ ଶୁକ୍ରବାର ୪ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ପୁରୀ ସହରର ଦୁଇଜଣଙ୍କ ମୃତ୍ୟୁ ହୋଇଥିବାବେଳେ କେନ୍ଦ୍ରାପଡା ଜିଲାର ଜଣେ ଓ ସାକ୍ଷୀଗୋପାଳରେ ଜଣଙ୍କର ମୃତ୍ୟୁ ହୋଇଛି। ସୂଚନା ଅନୁସାରେ କେନ୍ଦ୍ରାପଡା ରାଜନଗର ବ୍ଲକ ଅନ୍ତର୍ଗତ ଗୁପ୍ତି ପଞ୍ଚାୟତ ଗରତକରିଆ ଗ୍ରମର ଅଶ୍ୱିନୀ ବୈଦ୍ୟଙ୍କ ପତ୍ନୀ ଉଷା ବୈଦ୍ୟ(୭୦)ଙ୍କ ମୃତ୍ୟୁ ହୋଇଛି। ଉଷା ଶୁକ୍ରବାର ସକାଳ ୮ଟା ୩୦ରେ ନିଜ ପରିବାର ଲୋକଙ୍କ ସହ ଦେବେନ୍ଦ୍ର ନାରାୟଣପୁରସ୍ଥିତ ବିଦ୍ୟାଳୟ ଆଶ୍ରୟସ୍ଥଳକୁ ଯାଉଥିଲେ। ସେ ଯାଉଥିବା ସମୟରେ ଖସିପଡି ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ସେହିପରି ପୁରୀ ଜିଲା ମୁଖ୍ୟ ଚିକିତ୍ସାଳୟରେ ୨ଜଣଙ୍କ ମୃତ୍ୟୁ ହୋଇଛି। ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିପାରିନାହିଁ। ଜଣଙ୍କ ଉପରେ ଗଛ ପଡି ମୃତ୍ୟୁ ହୋଇଥିବା ବେଳେ, ଅନ୍ୟଜଣକ ଉପରେ ଅଜବେଷ୍ଟସ ପଡି ମୃତ୍ୟୁ ହୋଇଛି। ଉଭୟଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ଅଣାଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ଅନ୍ୟପଟେ ସାକ୍ଷୀଗୋପାଳରେ ୧୮ବର୍ଷ ଯୁବକଙ୍କ ଉପରେ ନଡିଆ ଗଛ ବାହୁଙ୍ଗା ପଡି ମୃତ୍ୟୁ ହୋଇଛି।

error: Thank You Keep Visiting