୧୨ ତାରିଖ ସୁଦ୍ଧା ଭୁବନେଶ୍ଵରରେ ଉପଲବ୍ଧ ହେବ ଶତପ୍ରତିଶତ ବିଦ୍ୟୁତ ସେବା

Straight to the Point

ଭୁବନେଶ୍ଵର: ବାତ୍ୟା ‘ଫନି’ ପ୍ରଭାବରେ ସରକାରୀ ଭାବେ ମୃତ୍ୟୁ ସଂଖ୍ୟା ୪୧କୁ ବୃଦ୍ଧି ପାଇଛି। ସୂଚନା ଓ ଲୋକ ସମ୍ପର୍କ ବିଭାଗ ସଚିବ ସଞ୍ଜୟ ସିଂହ ଏହି ସୂଚନା ଦେଇଛନ୍ତି। ଏଥିସହ କ୍ଷତିଗ୍ରସ୍ତ ଅଞ୍ଚଳଗୁଡ଼ିକରେ ବିଦ୍ୟୁତ ଏବଂ ଜଳଯୋଗାଣ ବ୍ୟବସ୍ଥା କରିବାକୁ ଉଦ୍ୟମ ଚାଲିଥିବା ସେ ସୂଚନା ଦେଇଛନ୍ତି। ସୂଚନା ମୁତାବକ, ରାଜଧାନୀରେ ଜଳଯୋଗାଣ ବ୍ୟବସ୍ଥା ସ୍ବାଭାବିକ ହୋଇଛି। କଟକରେ ୮୦%, ଖୋର୍ଦ୍ଧାରେ ୭୦% ଏବଂ ଜଟଣୀରେ ୫୦ ପ୍ରତିଶତ ଅଞ୍ଚଳରେ ଜଳଯୋଗାଣ ବ୍ୟବସ୍ଥା କରାଯାଇଛି। ବୁଧବାର ସୁଦ୍ଧା କଟକରେ ଶତପ୍ରତିଶତ ଜଳଯୋଗାଣ ବ୍ୟବସ୍ଥା କରାଯିବ। ଆସନ୍ତା ୧୦ ତାରିଖ ସୁଦ୍ଧା ଭୁବନେଶ୍ଵରରେ ୮୦% ଅଞ୍ଚଳରେ ବିଦ୍ୟୁତ୍‌ ସେବା ଯୋଗାଇ ଦିଆଯିବ। ୧୨ ତାରିଖ ସୁଦ୍ଧା ଶତପ୍ରତିଶତ ବିଦ୍ୟୁତ ସେବା ଉପଲବ୍ଧ ହେବ। ପୁରୀରେ ବିଦ୍ୟୁତ ଯୋଗାଣ ପ୍ରକ୍ରିୟା ୧୨ ତାରିଖରୁ ଆରମ୍ଭ ହେବ। ସମଗ୍ର ଜିଲାରେ ବିଦ୍ୟୁତ ସେବା ଯୋଗାଇବାକୁ ୧ମାସରୁ ଅଧିକ ସମୟ ଲାଗିବ ବୋଲି ସୂଚନା ଦିଆଯାଇଛି।

error: Thank You Keep Visiting