ମହାମେଣ୍ଟ ସହ ମିଶି ନିର୍ବାଚନ ଲଢିବ ଆରଏଲ୍‍ଡି!

An Independent Media

ନୂଆଦିଲ୍ଲୀ : ୨୦୧୯ ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଏହି କ୍ରମରେ ଉତ୍ତରପ୍ରଦେଶରେ ମହାମେଣ୍ଟ ଗଠନ ନେଇ ରାଷ୍ଟ୍ରୀୟ ଲୋକ ଦଳ (ଆରଏଲଡି) ନେତା ଜୟନ୍ତ ଚୌଧୁରୀ ସଂକେତ ଦେଇଛନ୍ତି। ସେ କହିଛନ୍ତି ଯେ ଆସନ୍ତା ଲୋକସଭା ନିର୍ବାଚନରେ ବିଜେପିର ମୁକାବିଲା ପାଇଁ ଏସ୍‍ପି, ବିଏସ୍‍ପି, କଂଗ୍ରେସ ଏବଂ ଆରଏଲ୍‍ଡି ମିଳିତ ଭାବେ ନିର୍ବାଚନ ଲଢିବା ଆବଶ୍ୟକ। ଏବେ ଏହା ଉପରେ ଅଧିକ କିଛି କହି ହେବ ନାହିଁ। ଏପର୍ଯ୍ୟନ୍ତ ଏହି ମହାମେଣ୍ଟକୁ ନେଇ ଦଳର ନେତୃବୃନ୍ଦଙ୍କ କୌଣସି ବୈଠକ ହୋଇନାହିଁ। ଯଦି ୪ ଦଳର ନେତୃବୃନ୍ଦ ଏକାଠି ବସି ଏନେଇ ଆଲୋଚନା କରିବେ ଓ କେଉଁ ଦଳ କୋତୋଟି ଆସନରେ ଲଢିବ ଧାର୍ଯ୍ୟ କରିବେ ତେବେ ମେଣ୍ଟ ସ୍ଥିତି ସ୍ପଷ୍ଟ ହୋଇପାରିବ।
ପ୍ରକାଶଯୋଗ୍ୟ ଯେ ୨୦୧୪ ଲୋକସଭା ନିର୍ବାଚନରେ ବିଜେପି ୭୩ଟି ଆସନରେ ଜିତିଥିଲା। ଏହାପରେ ଦୁଇଟି ଉପ-ନିର୍ବାଚନରେ ବିଜେପି ପରାଜିତ ହୋଇଥିଲା। ବିଜେପିକୁ ହରାଇବାରେ ଏସ୍‍ପି ଏବଂ ବିଏସ୍‍ପିର ମେଣ୍ଟ ପ୍ରମୁଖ ଭୂମିକା ଗ୍ରହଣ କରିଥିଲା। ତେଣୁ ସମସ୍ତ ବିରୋଧୀ ଦଳ ଏବେ ବିଜେପି ବିରୋଧରେ ଏକାଠି ହେବାକୁ ପ୍ରସ୍ତୁତି ଚଳାଇଛନ୍ତି।

error: Thank You Keep Visiting