ଦେଶରେ ଏଭଳି ସ୍ଥାନ ଯେଉଁଠି ପ୍ରତି ବର୍ଷ ରାତି ୧୨ଟା ୦୧ରେ ତ୍ରିରଙ୍ଗା ଉତ୍ତୋଳନ କରାଯାଏ

Straight to the Point

ପାଟନା : ୱାଘା ସୀମା ପରେ କେବଳ ବିହାରର ପୁର୍ଣ୍ଣିଆରେ ସ୍ୱାଧୀନତା ଦିବସରେ ମଧ୍ୟ ରାତ୍ରିରେ ତ୍ରିରଙ୍ଗା ପତାକା ଉତ୍ତୋଳଜନ କରାଯାଇଥାଏ। ୧୯୪୭ରେ ଦେଶର ସ୍ୱାଧୀନତା ପରଠାରୁ ପ୍ରତିବର୍ଷ ପୁର୍ଣ୍ଣିଆର ଭଟ୍ଟା ବଜାରସ୍ଥିତ ଝଣ୍ଡା ଚୌକରେ ରାତି ୧୨ଟା ୦୧ ମିନିଟ୍‍ରେ ଜାତୀୟ ପତାକା ଉତ୍ତୋଳନ କରାଯାଉଛି।
ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ପୁର୍ଣ୍ଣିଆର ସାମାଜିକ କର୍ମୀ ବିପୁଳ ସିଂହ ଝଣ୍ଡା ଚୌକରେ ତ୍ରିରଙ୍ଗା ପତାକା ଉତ୍ତୋଳନ କରିଥିଲେ। ଏହି ଅବସରରେ କେତେକ ଜନପ୍ରତିନିଧି, ସାମାଜିକ କର୍ମକର୍ତ୍ତା ଏବଂ ସଦର ବିଧାୟକ ବିଜୟ ଖେମକା ଉପସ୍ଥିତ ଥିଲେ। ବିପୁଳ ସିଂହଙ୍କ କହିବା ଅନୁସାରେ ୧୯୪୭ ଅଗଷ୍ଟ ୧୪-୧୫ ରାତି ୧୨ଟା ୦୧ରେ ରେଡିଓରେ ଭାରତ ସ୍ୱାଧୀନତା ଘୋଷଣା କରାଯାଇଥିଲା। ସେହି ସମୟରେ ପୁର୍ଣ୍ଣିଆର ସ୍ୱାଧୀନତା ସଂଗ୍ରାମୀ ଏବଂ ତାଙ୍କ କକା ରାମେଶ୍ୱର ପ୍ରସାଦ ସିଂହ, ରମରତ ସାହ ଏବଂ ସାମସୁଲ ହକ୍‍ ମଧ୍ୟରାତ୍ରିରେ ଭଟ୍ଟା ବଜାରରେ ତ୍ରିରଙ୍ଗା ଉଡ଼ାଇଥିଲେ। ସେବେଠାରୁ ଏହା ଏକ ପରମ୍ପରା ହୋଇଛି ଓ ଆଜି ପର୍ଯ୍ୟନ୍ତ ପ୍ରତିବର୍ଷ ସେଠାରେ ରାତି ୧୨ଟା ୦୧ରେ ତ୍ରିରଙ୍ଗା ଉଡ଼ାଯାଉଛି।

error: Thank You Keep Visiting