ଆଜି ସିଓଏ ବୈଠକ ; ମୁଖ୍ୟ ପ୍ରସଙ୍ଗ ହେବ ନାଡା ଓ ବିସିସିଆଇ ନିର୍ବାଚନ

Straight to the Point

ନୂଆଦିଲ୍ଲୀ : କ୍ରିକେଟ୍‌ ପ୍ରଶାସକ କମିଟି (ସିଓଏ)ର ଏକ ବୈଠକ ମଙ୍ଗଳବାର ଏଠାରେ ଅନୁଷ୍ଠିତ ହେବ। ଏହି ବୈଠକରେ କେତେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଆଲୋଚନା ହେବାର ଅଛି। କିଛିଦିନ ତଳେ କ୍ରିକେଟର୍‌ଙ୍କ ଡୋପ୍‌ ପରୀକ୍ଷା ଜାତୀୟ ଆଣ୍ଟି ଡୋପିଂ ଏଜେନ୍‌ସି (ନାଡା) ଦ୍ବାରା କରାଯିବାକୁ ବିସିସିଆଇ ରାଜି ହୋଇଛି। ସିଓଏ ବୈଠକରେ ଏ ସଂପର୍କରେ ଆଲୋଚନା ହେବାର ସମ୍ଭାବନା ରହିଛି। ସେହିପରି ଆଗାମୀ ଦିନରେ ବିସିସିଆଇ ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ଏଥିନେଇ ବୈଠକରେ ଆଲୋଚନା ହୋଇପାରେ ବୋଲି ବିଶ୍ବସ୍ତ ସୂତ୍ରରୁ ଜଣାପଡ଼ିଛି।

ଗତ ଶୁକବ୍ରାର ବିସିସିଆଇ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରାହୁଲ ଜୋହରି କେନ୍ଦ୍ର କ୍ରୀଡ଼ା ମନ୍ତ୍ରଣାଳୟର ବରିଷ୍ଠ ଅଧିକାରୀଙ୍କ ସହ ଏକ ବୈଠକ​‌ କରିଥିଲେ। ବୈଠକ ପରେ ନାଡା ଅଧୀନକୁ ବିସିସିଆଇ ଆସିଥିବା ଏବଂ ଭାରତୀୟ କ୍ରିକେଟର୍‌ଙ୍କ ଡୋପ୍‌ ପରୀକ୍ଷା ନାଡା କରିବ ବୋଲି ଘୋଷଣା କରାଯାଇଥିଲା। ସିଓଏ ବୈଠକରେ ଏ ସଂପର୍କରେ ବିସ୍ତୃତ ଭାବେ ଆଲୋଚନା ହେବ। ଡୋପିଂକୁ ନେଇ ସିଓଏ ବେଶ୍‌ କଠୋର ଆଭିମୁଖ୍ୟ ଗ୍ରହଣ କରି ଆସୁଥିବାରୁ ଭାରତୀୟ କ୍ରିକେଟର୍‌ଙ୍କ ଡୋପ୍‌ ପରୀକ୍ଷା ନାଡା ଦ୍ବାରା କରାଯିବା ସଂପର୍କ​‌େ​ର ବୈଠକରେ କେତେକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇ ପାରେ ବୋଲି କୁହାଯାଉଛି।

Leave a Reply

Your email address will not be published. Required fields are marked *

error: Thank You Keep Visiting