ଆଇସିସି କ୍ରିକେଟ ବିଶ୍ଵକପ ୨୦୧୯ ପାଇଁ ଇଂଲଣ୍ଡ ଅଭିମୁଖେ ଭାରତୀୟ ଟିମ୍‌ର ଯାତ୍ରା

An Independent Media

ମୁମ୍ବଇ: ଆସନ୍ତା ୩୦ ତାରିଖରୁ ଆରମ୍ଭ ହେବାକୁ ଥିବା ଆଇସିସି କ୍ରିକେଟ ବିଶ୍ଵକପ ୨୦୧୯ ପାଇଁ ଭାରତୀୟ ଟିମ୍‌ ଇଂଲଣ୍ଡ ଅଭିମୁଖେ ଯାତ୍ରା କରିଛି। ବୁଧବାର ସକାଳେ ଖେଳାଳିମାନେ ବିମାନରେ ଯାତ୍ରା ଆରମ୍ଭ କରିଚନ୍ତି। ବିଶ୍ଵକପ୍‌ ପାଇଁ ଭାରତ ଅନ୍ୟତମ ପ୍ରମୁଖ ଦାବିଦାର ରହିଛି। ଭାରତକୁ ଟି-୨୦ ଏବଂ ଦିନିକିଆ ବିଶ୍ଵକପ୍‌ ଦେଇଥିବା ଧୋନୀଙ୍କ ପାଇଁ ଏହା ଶେଷ ବିଶ୍ଵକପ୍‌ ଟୁର୍ନାମେଣ୍ଟ। ବିରାଟ କୋହଲି ପ୍ରଥମ ଥର ଲାଗି ଏକ ବିଶ୍ଵକପ୍‌ରେ ଅଧିନାୟକ ଦାୟିତ୍ଵ ତୁଲାଇବେ। ଭାରତୀୟ ଟିମ୍‌ ଇଂଲଣ୍ଡରେ ପହଞ୍ଚିବା ପରେ ଆସନ୍ତା ୨୫ ତାରିଖରେ ଓଭାଲ ଗ୍ରାଉଣ୍ଡରେ ଦଳ ନ୍ୟୁଜିଲାଣ୍ଡ ସହ ଅଭ୍ୟାସ ମ୍ୟାଚ ଖେଳିବ। ଏହା ପରେ ୨୮ ତାରିଖରେ ବାଂଲାଦେଶକୁ ଅନ୍ୟ ଏକ ଅଭ୍ୟାସ ମ୍ୟାଚରେ ଭେଟିବ। ଶେଷରେ ଜୁନ ୫ରେ ଦକ୍ଷିଣ ଆଫ୍ରିକା ବିପକ୍ଷରେ ଦଳ ପ୍ରଥମ ମ୍ୟାଚ୍‌ ଖେଳିବ।

error: Thank You Keep Visiting