ଦଳର ପ୍ରଦର୍ଶନକୁ ବେଶ୍ ପ୍ରଶଂସାକଲେ କୋହଲି

Straight to the Point

ଲଣ୍ଡନ୍ : ଅଷ୍ଟ୍ରେଲିଆ ବିପକ୍ଷ ବିଶ୍ବକପ୍ ମ୍ୟାଚ୍‌ରେ ଭାରତ ୩୬ ରନ୍‌ ବ୍ୟବଧାନରେ ଅ‌େ‌ଷ୍ଟ୍ରଲିଆକୁ ପରାସ୍ତ କରିବା ପରେ ଅଧିନାୟକ ବିରାଟ କୋହଲି ଦଳର ପ୍ରଦର୍ଶନକୁ ବେଶ୍ ପ୍ରଶଂସା କରିଛନ୍ତି। ମ୍ୟାଚ୍ ପରେ କୋହଲି କହିଥିଲେ, ଆମ ଦଳର ପ୍ରଦର୍ଶନ ସମ୍ପୂର୍ଣ୍ଣ ପେସାଦାର ଥିଲା; ଯାହା ଅଧିନାୟକ ଭାବେ ମୋତେ ବହୁତ ସନ୍ତୋଷ ଦେଇଛି। ଘରୋଇମାଟିରେ ଅଷ୍ଟ୍ରେଲିଆଠାରୁ ଦିନିକିଆ ସିରିଜ୍ ହାରିବା ପରେ ଏହି ବିଜୟ ଆମକୁ ଆହୁରି ଆନନ୍ଦ ଦେଇଛି। ଆମକୁ ପରାକାଷ୍ଠା ଦେଖାଇବାର ଥିଲା। ଆମର ଓପ୍‌ନିଂ ଯୋଡ଼ି ଚମତ୍କାର ବ୍ୟାଟିଂ କରିଥିଲେ। ପରେ ହାର୍ଦିକ, ମୁଁ ଓ ଏମ୍‌ଏସ୍‌ (ଧୋନି) ଭଲ ବ୍ୟାଟିଂ କରୁଥିଲୁ। ଏହା ସତ ଯେ ଏହି ପିଚ୍ ବ୍ୟାଟିଂ ଉପଯୋଗୀ ଥିଲା। ତେବେ ଆମେ ପେସାଦାରଙ୍କ ପରି ବ୍ୟାଟିଂ କରିଥିଲୁ। ମୁଁ ଗୋଟିଏ ପଟ ଜଗିଥିଲି ଏବଂ ଅନ୍ୟପଟୁ ହାର୍ଦିକ ଆକ୍ରମଣ କରିଥିଲେ। ୩୫୦ ରନ୍‌ କରିବା ପରେ ତୁମେ କିଛି ବି ହାଲୁକା ଭା​‌େ​‌ବ କିଛି ନେଇପାରିବ ନାହିଁ। ପାଗ ମେଘୁଆ ହେଲେ, ସାମିଙ୍କୁ ଖେଳିବାର ସୁଯୋଗ ମିଳିବ। ଭୁବନେଶ୍ବର ଉଭୟ ନୂଆ ଓ ପୁରୁଣା ବଲ୍‌ରେ ଚମତ୍କାର ବୋଲିଂ କରିଥିଲେ। ଆମ ଦଳର ସମସ୍ତ ଖେଳାଳି ବେଶ୍ ଅଭିଜ୍ଞ। ତେଣୁ ସେମାନଙ୍କୁ କିଛି କହିବା ଆବଶ୍ୟକ ନାହିଁ।