ଖାଦ୍ୟ ନାରେ ବିକୁଥିଲା ବିଷ

An Independent Media

ଭୁବନେଶ୍ୱର; ବିଶ୍ୱାସ ନାଁରେ ବିଷ ବେପାର।  ଭୁବନେଶ୍ୱର  ସୁନ୍ଦରପଦାର କୈବଲ୍ୟ ନଗରରେ ଠାବ ହୋଇଛି ନକଲି ଘିଅ ତିଆରି କାରଖାନା। ଲୋଗୋ ଅସଲି, କିନ୍ତୁ ମାଲ୍ ପୁରାପୁରି ନକଲି । ଏୟାରଫିଲ୍ଡ ଥାନାରୁ ମାତ୍ର ଅଳ୍ପକିଛି ଦୂରରେ ଲୁଚାଛପାରେ ଚାଲିଥିଲା ବେପାର । ବାଲାଜୀ ଏବଂ ଦୁର୍ଗା ଘିଅ ବ୍ରାଣ୍ଡର ଲେବଲ୍ ସହ ଶୁଦ୍ଧ ଘିଅର ଲୋଗୋ ମାରି ଖାଉଟୀଙ୍କ ଆଖିରେ ଧୂଳିଦେଇ ବେଶ ବେଆଇନ କାରବାର ଚଳାଇଥିଲା । ପାମୋଲିନ୍ ତେଲ, ବନସ୍ପତି, କୁକୁମ ମଞ୍ଜିର ମିଶ୍ରଣ କରି ତିଆରି ଚାଲିଥିଲା ନକଲି ଘିଅ । ରଙ୍ଗ, ସ୍ୱାଦ ଆଉ ବାସ୍ନା ପାଇଁ ବ୍ୟବହାର କରୁଥିଲା ରସାୟନିକ ଦ୍ରବ୍ୟ ।

ଆଉ ତାପରେ ପୂଜା ଘିଅ ନାଁରେ ମାର୍କେଟ୍‌କୁ ଛାଡ଼ି ଅଭିମନ୍ୟୁ ହେଉଥିଲା ମାଲାମାଲ୍ । ଶେଷରେ ପୁଲିସ ଏବଂ ଖାଦ୍ୟ ନିରାପତ୍ତା ଅଧିକାରୀ ହାତରେ ଧରାପଡ଼ିଛି ଏହି ବିଷ ବେପାରୀ। ଦିନେ ନକଲି ଔଷଧ ପାଇଁ ଅପଯଶ ଅର୍ଜନ କରିଥିବା ପଶ୍ଚିମ ଓଡ଼ିଶାର ଅନ୍ୟତମ ବାଣିଜ୍ୟ କେନ୍ଦ୍ର କଣ୍ଟାବାଞ୍ଜି ଏବେ ପୁଣି ଚର୍ଚ୍ଚାରେ। ଖାଦ୍ୟ ସାମଗ୍ରୀ ଅପମିଶ୍ରଣର ପୁଣି ଥରେ ହୋଇଛି ଖୁଲାସା ।

ଚଟୁଅନକା ନିକଟ ଲକ୍ଷ୍ମୀ ସେଲ୍ସ ତେଲ କାରଖାନାରେ ବିଭିନ୍ନ ବ୍ରାଣ୍ଡ ନାଁରେ ରିପ୍ୟାକିଂ କରି ବିକ୍ରି ହେଉଥିଲା ଖାଇବା ତେଲ।  ସଂଜୟ ଅଗ୍ରୱାଲଙ୍କ ବାବା ସେଲ୍ସ ଓ ଭାରତ ସେଲ୍ସ ଗୋଦାମରେ ବି ଠାବ ହୋଇଥିଲା ହଜାର ହଜାର ନକଲି ତେଲ ଟିଣ । ବଲାଙ୍ଗିର ଏସ୍‌ପିଙ୍କ ନିର୍ଦ୍ଦେଶରେ ଏଭଳି ଏକାଧିକ କାରଖାନାରେ ଚଢଉ କରି ମାଲିକଙ୍କୁ ଜୋରିମାନା ସହ ମାମଲା ରୁଜୁ କରିଛି ପୁଲିସ।

error: Thank You Keep Visiting